Mədəniyyət
Bakıda “Azərbaycanın mədəni irsi UNESCO-da” adlı rəsm sərgisi açılıb
Azərbaycan xalqının ümummilli lideri Heydər Əliyevin anadan olmasının 95-ci ildönümü münasibətilə “İçərişəhər” Dövlət Tarix-Memarlıq Qoruğu İdarəsi və “Arts Council Azerbaijan” qeyri-hökumət təşkilatının təşəbbüsü və təşkilatçılığı, UNESCO üzrə Azərbaycan Respublikasının Milli Komissiyasının dəstəyi ilə “Azərbaycanın mədəni irsi UNESCO-da” adlı rəsm sərgisi açılıb.
“Cəza” monotamaşasının yaradıcı heyəti Bilik Fondunda
Azərbaycan Respublikasının Prezidenti yanında Bilik Fondunun inzibati binasında “Mədəni maarifləndirmə” proqramı çərçivəsində yazıçı-dramaturq Tamara Vəliyevanın “Cəza” monotamaşasının yaradıcı heyəti ilə görüş keçirilib. Olaylar.az bildirir ki, psixoloji oyun dramında rolu ifa edən Əməkdar artist Kəmalə Hüseynova, səhnə əsərinin quruluşçu rejissoru Əməkdar incəsənət xadimi Mehriban Ələkbərzadə Fondda gənclərlə teatr sənəti, bədii düşüncə tərzi, estetik maariflənmənin faydaları barədə maraqlı müzakirələr aparıblar.
Xatun polisə şikayət etdi
Müğənni Xatun Əliyeva izləyicisini polisə verib. Buna səbəb sosial şəbəkə istifadəçisinin sənətçini təhqir etməsi olub. Xatun İnstaqram səhifəsində həmin qızın şəklini paylaşaraq ondan polisə şikayət verdiyini bildirib:
Halil Sezai Bakıda - FOTOLAR
Tanınmış türkiyəli müğənni Halil Sezai Bakıya gəlib. Bu axşam konsert verməyə hazırlaşan ifaçı mətbuat nümayəndələrini də başına yığaraq jurnalistlərin suallarını cavablandırıb. Mətbuat konfransında onunla bərabər müğənni Nuray Məhərov da olub. O, Bakıya gəlməsindən məmnunluq duyduğunu bildirib:
Bəstəkar Röyanı məhkəməyə verib qalib gəldi
Tanınmış bəstəkar Nadir Əzimov əməkdar artist Röya Ayxanı məhkəməyə verib. Nadir Əzimov müğənninin müəllif hüquqlarını pozduğunu iddia edib və iş icraata götürülüb. Buna səbəb Röyanın ona məxsus olan "Darıxdım" mahnısını icazəsiz ifa etməsi olub.
Cəmil Quliyevin İTV-nin baş direktoru vəzifəsində səlahiyyətlərinə xitam verilib
Cəmil Quliyevin İTV-nin baş direktoru vəzifəsində səlahiyyətlərinə xitam verilib. İctimai Televiziya və Radio Yayımları şirkətinin Yayım Şurasından verilən məlumata görə, bu barədə qərar İTV Yayım Şurasının bugünkü iclasında qəbul edilib. Məlumatda qeyd olunub ki, C. Quliyev səhhəti və gələcək yaradıcılıq planları ilə əlaqədar vəzifədən getmək istəyi ilə bağlı şuraya rəsmi müraciət edib və müzakirədən sonra müvafiq qərar qəbul olunub. Şuranın iclasında Balakişi Qasımov İTV-nin yeni baş direktoru seçilib.
Fironun klonu necə xilas oldu?
Xanım Anelanın “Amarna günahkarları” romanı haqda qeydlər Azərbaycan romançılığının çağdaş ədəbi düşüncə müstəvisində yenidən və daha ətraflı araşdırılmasını ədəbiyyatşünaslığın, ədəbi tənqidimizin qarşısında duran başlıca vəzifələrdən hesab edirəm. Son dövrlər Azərbaycan romançılığı öz durulma, sakitlik mərhələsini yaşayır. Cəmi 4-5 il əvvəl ədəbi mühitdə “roman bumu” müzakirə olunduğu halda, hazırda nisbətən durğunluqdur. Artıq roman yazmağın necə ağır və çətin iş olduğunu anlayan qələm adamları gücləri, nəfəsləri çatan işlə məşğul olur desək, yanılmarıq. Amma hər halda yeni romanlar yazılır, özünü təsdiq etmiş imzalar romançılıq fəaliyyətini davam etdirir, ara-sıra yeni və gənc müəlliflər boy göstərir. Ədəbi tənqidin reaksiyası bir qədər ləng olsa da yazılan ciddi romanlar diqqətdən kənarda qalmır.
Musiqili Teatrın rəhbəri ölkə başçısına müraciət etdi
Azərbaycan Dövlət Musiqili Teatrının direktoru, əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev ölkə başçısına müraciət məktubu ünvanlayıb. Məktubda deyilir: “Möhtərəm cənab Prezident! Sizin 9 may 2018-cı il tarixində ''İncəsənət xadimlərinə Azərbaycan Respublikası Prezidentinin mükafatlarının verilməsi haqqında” Sərəncamınız bizə - ömrünü səhnəyə həsr edən insanlara yüksək qiymətin bariz nümunəsidir. Sənət adamlarının sosial müdafiəsini gücləndirmək və onlara dövlət qayğısını daha da artırmaq məqsədilə imzaladığınız bu Sərəncam qəlbimizdə fərəh hissi doğurur.
İstanbulda kitab sərgisi
11-13 may tarixlərində İstanbuldakı Heydər Əliyev parkında 7-ci Sarıyer Ədəbiyyat Günləri çərçivəsində Baş Konsulluğun təşəbbüsü ilə Ulu Öndər Heydər Əliyev və Azərbaycan Xalq Cümhuriyyətinə dair türk dilində nəşr olunmuş kitablar sərgilənəcək.
"Deyirlər, arsızdır, ana kimi məni təhqir edirlər" - Afaq Gəncəli - VİDEO - FOTO
Atlamaq onsuz da çətin idi. Hələ təzyiqlər... Biri var özbaşına çarə tapıb bunu keçəsən... Amma atlatmaq olmur, hara baxırsan - sağında, solunda, yatanda, duranda yanında olan bir mələkdir. Deməzdim ki, atlatdım, yoxdur. Hər zaman deyirəm yanımdadır, mənimlədir.
Estoniyada Azərbaycan Kinosu Günü təşkil olunub
Estoniyanın Baltik Film, Media, İncəsənət və Kommunikasiya Məktəbində Azərbaycan Kinosu Günü təşkil olunub. DİDK-dən “OLAYLAR”-a bildirilib ki, Estoniya radiosunda yayımlanan “Ocaq” verilişinin baş redaktoru Sənəm Əliyeva və Baltik Məktəbinin rəhbəri Elari Lendin təşəbbüsü ilə reallaşdırılan bu layihə gənc istedadları dəstəkləməyə yönəlib. S.Əliyeva çıxışında bu ilin avqustunda özünün 120 illiyini qeyd edəcək Azərbaycan kinematoqrafiyasının tarixindən danışıb. O, Azərbaycan kinosunun tanınmış prodüser, rejissor və aktyorlarının adlarını sadalayıb.
"Bu iş məni yaman ağlatdı" - Xumar Qədimova
Əməkdar artist Xumar Qədimovadan xəbər var. Sevilən müğənni “Niyə getdin, niyə döndün, niyə baxdın” adlanan yeni layihəsini təqdim edib. Yaradıcılığında klassik ədəbiyyata tez-tez müraciət edən Qədimovanın budəfəki seçimi dahi Azərbaycan dramaturqu Hüseyn Cavid olub.
Bakıda "Sevdiyim" layihəsinin təqdimatı olub YENİLƏNİB
Mayın 11-də Bakıda ümummilli lider Heydər Əliyevin anadan olmasının 95, Azərbaycan Xalq Cümhuriyyətinin yaranmasının 100 illik yubileylərinə həsr olunmuş "Sevdiyim" layihəsinin təqdimat mərasimi keçirilib. Tədbirdə Azərbaycan Respublikası Prezidentinin hüquq mühafizə orqanları ilə iş və hərbi məsələlər üzrə köməkçisi-şöbə müdiri Fuad Ələsgərov, mədəniyyət naziri Əbülfəs Qarayev, gənclər və idman naziri Azad Rəhimov, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev və digər rəsmi şəxslər iştirak ediblər.
Ulu öndər anıldı - Musiqi Mədəniyyəti Dövlət Muzeyində
Azərbaycan Musiqi Mədəniyyəti Dövlət Muzeyi Abdulla Şaiqin mənzil-muzeyi və Azərbaycan Milli Konservatoriyası ilə birgə ümummilli lider Heydər Əliyevin anadan olmasının 95 illiyi münasibətilə tədbir keçirib. Olaylar.az bildirir ki, Azərbaycan Musiqi Mədəniyyəti Dövlət Muzeyinin direktoru, sənətşünaslıq üzrə fəlsəfə doktoru, Əməkdar Mədəniyyət İşçisi Alla Bayramova tədbiri açaraq milli incəsənətimizin inkişafında ümummilli lider Heydər Əliyevin xidmətlərindən, bu sahədə çalışan sənətkarlara diqqət və qayğısından danışıb.
Musiqili Teatrda Elçinin 75 illiyi
13 may saat 19:00-da Azərbaycan Dövlət Musiqili Teatrında xalq yazıçısı Elçinin 75 illik yubileyi ilə əlaqədar onun məşhur hekayələri əsasında hazırlanan "Baladadaşın toy hamamı” ikihissəli musiqili lirik komediyası nümayiş etdiriləcək. Olaylar.az bildirir ki, tamaşadan öncə tanınmış jurnalist Telli Pənahqızı böyük dramaturqun yaradıcılıq yolu barədə çıxış edəcək.