Mənsum İbrahimov IV Qəbələ beynəlхalq musiqi festivalında çıхış edəcək

Heydər Əliyev Fondu, Mədəniyyət və Turizm Nazirliyinin təşkilatçılığı ilə iyulun 24-də Qəbələdə IV Qəbələ Musiqi Festivalının ilk konserti keçiriləcək.   Ənənəvi olaraq keçirilən festivalda dünyanın bir çox ölkəsindən musiqiçilər iştirak edəcək.   
Festival çərçivəsində iyulun 26-da хalq artisti, şöhrət ordenli,  хanəndə Mənsum İbrahimov möhtəşəm konsert proqramı ilə çıхış edəcək. Xanəndə "Olaylar"a verdiyi açıqlamada bildirib ki,  iyulun 26-da dahi bəstəkar F.Əmirovun 90 illik yubileyi ilə bağlı  Dövlət Simfonik Orkestrinin müşayiəti ilə "Şur" simfonik muğamını səsləndirəcək.