"Eşref Rüya"da HƏYƏCAN ARTDI - Sosial media bu sözlərlə ÇALXALANDI
"Kanal D"nin fenomen serialı "Eşref Rüya" çərşənbə axşamları həm reytinqlərdə, həm də sosial mediada sözünü deməyə davam edir.
Musavat.com xəbər verir ki, Taner Rumelinin canlandırdığı "Dinçer" və Levent Özdileyin həyat verdiyi "Hıdır" obrazlarının hekayəyə daxil olması ilə serialın həyəcan dozası daha da artıb.
Nəticədə "Eşref Rüya" günün bütün izləyici kateqoriyalarında ən çox izlənilən layihə olub. Tamaşaçılar isə "Çərşənbə demək - Eşref Rüya deməkdir" sözləri ilə seriala olan sevgilərini ifadə ediblər.
8 illik fasilədən sonra ekranlara qayıdan Ebru Destan "Hıdır"ın sağ qolu "Necla" obrazı ilə seriala qatılaraq güclü bir qadın portreti yaradıb.
"Eşref Rüya" Demet Özdemirin səsləndirdiyi "Aç yaralar kalbime" mahnısı ilə də sosial mediada gündəmə çevrilib.