Sevgi deyilmi?

"Sevgi yoxdur, inanmıram, yalandır..."

-Söyləyən kəs, sizcə doğru deyirmi?

Vətən, ana, övlad yadda qalandır,

Onların sevgisi, sevgi deyilmi?

***

Sevgi məfhumunun çox mənası var,

Başa düşməyənin düşüncəsi dar...

Yaxşı insan, təmiz vicdan, saf qəlb var,

Bunların hamısı, sevgi deyilmi?

***

Tanrımıza inam, dindəki iman,

Torpağa bağlılıq, həsrətli güman.

Yağışlı havada göydəki duman,

Allaha olan sevgi, sevgi deyilmi?

 Əlibalayeva Gülnarə

                                  Cəfər Cabbarlı ev-muzeyinin böyük elmi-işçisi, jurnalist