Uşaq rəsm festivalının açılış sərgisi

Azərbaycan Respublikasının Mədəniyyət Nazirliyi, Azərbaycan Dövlət Rəsm Qalereyası,Təhsil Nazirliyi, Respublika Uşaq-Gənclər İnkişaf Mərkəzi, Azərbaycan Televiziya və Radio Verlişləri Qapalı Səhimdar Cəmiyyəti, Xətai Rayon İcra Hakimiyyəti, Rəssamlar İttifaqı və  Xətai Sənət Mərkəzinin təşkilatçılığı ilə “Azərbaycan Xalq Cümhuriyyəti İli”  çərçivəsində “Azərbaycanım” adlı  Respublika uşaq rəsm festivalının rəsm müsabiqəsinin açılışı olub.

Azərbaycan Respublikasının Mədəniyyət Nazirliyi, Azərbaycan Dövlət Rəsm Qalereyası,Təhsil Nazirliyi, Respublika Uşaq-Gənclər İnkişaf Mərkəzi, Azərbaycan Televiziya və Radio Verlişləri Qapalı Səhimdar Cəmiyyəti, Xətai Rayon İcra Hakimiyyəti, Rəssamlar İttifaqı və  Xətai Sənət Mərkəzinin təşkilatçılığı ilə "Azərbaycan Xalq Cümhuriyyəti İli"  çərçivəsində "Azərbaycanım" adlı  Respublika uşaq rəsm festivalının rəsm müsabiqəsinin açılışı olub.

Olaylar.az bildirir ki, müsabiqəni  giriş  sözü  ilə  Azərbaycan Dövlət Rəsm Qalereyasının  direktoru  Qalib  Qasımov açdı. Bundan başqa, Azərbaycan Rəssamlar İttifaqının  katibi  Ağəli  İbrahimov , Xətai Rayon İcra Hakimiyyətinin  nümayəndəsi  Pənah  İmanov,Xətai  Sənət  Mərkəzinin  direktoru  Zahid  Əvəzov,  Dövlət Rəssamlıq Akademiyasının elmi şurasının üzrü Samir Sadiqov və Qazax Rayon İcra Hakimiyyəti adından  Akif Əmirov çıxış edib.

Uşaqlar arasında yaradıcılıq meyillərini stimullaşdırmaq, onların yaradıcılıq duyğularını inkişaf etdirmək, ətraf mühitə  münasibət, ən əsasıda doğma Vətənə məhəbbət hisslərini artırmaq  məqsədilə keçirilən   musabiqədə 150-yə  yaxın  uşaq,  o  cümlədən  Qazax  rayonu  məktəbliləri  arasında  keçirilən  "Qazağım  mənim"  müsabiqəsində  seçilmiş  16 ən  yaxşı əsərin   nümayiş  ümümilikdə   170  əsər  təqdim  olundu.

Əsərlərində əsasən  yaşadığı bölgənin milli  mədəni və tarixi  abidələrini, yerli mətbəx nümunələrini, bölgəyə xas olan  flora və faunanı,  qədim əşya  və ya bölgə üçün  xarakterik  olan qədim geyimləri, musiqi alətlərini, müxtəlif  peşə  sahiblərinin obrazlarını, o cümlədən, hərbi vətənpərvərlik mövzusu  və qəhrəmanların obrazlarını  təsvir olunub.

Müsabiqənin  şərtlərinə  uyğun  olaraq sərgidən  32   ən  yaxşı  işin  müəllifi   festivala  qatılaraq  plenerdə  işləmək  şansı  qazandı.