Bakıxanovun yaradıcılığı gənclər tərəfindən araşdırılır

Milli Azərbaycan Tarixi Muzeyində 18 may Beynəlxalq Muzeylər Gününə həsr olunmuş "Muzeyşünaslıq-elmlər arası inteqrasiya kontekstində"  silsiləsindən: "Abbasqulu Ağa Bakıxanovun yaradıcılığının gənc  muzeyşünaslar tərəfindən araşdırılması. "Faktlar və təhlillər" adlı tələbə elmi-nəzəri seminar keçirilib.

Olaylar.az bildirir ki, tədbir Təhsil Nazirliyi, Azərbaycan Dövlət Mədəniyyət və İncəsənət  Universitetinin və Milli Azərbaycan Tarix Muzeyinin birgə təşkilatçılığı  ilə keçirilib. Elmi-nəzəri seminar Azərbaycan Dövlət Mədəniyyət  İncəsənət Universitetini "Gənc muzeyşünaslar" tələbə elmi klubunun  rəhbəri Muzeyşünaslıq kafedrasının dosenti, sənətşünaslıq üzrə fəsləfə  doktoru, muzeyşünas Elfira Məlikova-Qurbanova tərəfindən təşkil  olunub. Seminarda ADMİU-nun müəllimlər və tələbələri, sənətşünaslar, muzey əməkdaşları iştirak ediblər.
Tədbiri giriş sözü ilə Muzeyin direktoru, akademik Nailə Vəlixanlı  açaraq gələn qonaqlrı salamladı və muzeydə keçirilən maarifləndirici  elmi-nəzəri seminarın əhəmiyyətindən danışdı. Əmircan qəsəbə Bələdiyyəsinin müdir müavini, Fəridə Bünyatova "A.A.Bakıxanov dühası" adlı məruzə ilə çıxış edib.

Tədbirdə iştirak edən teatrşünas, sənətşünaslıq doktoru, əməkdar  incəsənət xadimi, Azərbaycan Dövlət Mədəniyyət və İncəsənət  Universitetinin Elm və yaradıcılıq işləri üzrə prorektoru Məryəm Əlizadə  tədbir təşkilatçılarına və muzeyin rəhbərliyinə elmi seminarın  keçiriliməsinə görə təşəkkürünü bildirib.