Kriminal
Piyadanı vurub qaçan sürücü yaxalanıb
Sentyabrın 13-də saat 22 radələrində Sabunçu rayonunun Zabrat qəsəbəsində müəyyən edilməmiş avtomobillə yolu keçən Bakı şəhər sakini Zahir Əliyev vurulmuş və o, hadisə yerində ölmüşdür. DİN-dən verilən məlumata görə, Sabunçu RPİ və Əlahiddə Çevik Polis Alayının əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən paytaxt sakini Fikrət Əliyev idarə etdiyi “VAZ-2107” markalı avtomobildə tutulub. Araşdırma aparılır.
Evi qarət edən qadın saxlanıb
Abşeronda oğurluq faktının üstü açılıb. DİN-dən verilən məlumata görə, Abşeron RPİ əməkdaşlarının həyata keçirdikləri əməliyyat-axtarış tədbirləri nəticəsində sentyabrın 2-də rayon sakini Etibar Əhmədova məxsus evdən 162 manat pul, gümüş və məişət əşyaları oğurlamaqda şübhəli bilinən həmyerlisi Aynur Cəbrayılzadə tutulub.
Almaniya vətəndaşının evindən 6 min aparan tutulub
Bakıda Almaniya vətəndaşının evi qarət edilib. DİN-dən verilən məlumata görə, Nəsimi RPİ 22-ci PB əməkdaşlarının həyata keçirdikləri əməliyyat-axtarış tədbirləri nəticəsində sentyabrın 12-də Almaniya vətəndaşı Axel Güntel Gülbeztin evindən 6000 avro pul oğurlamaqda şübhəli biliən Gürcüstan vətəndaşı Xanım Məmmədova tutulub. Araşdırma aparılır.
Bakıda ölümlə nəticələnən yol-nəqliyyat hadisəsi baş verib
Sentyabrın 14-də saat 01 radələrində Sabunçu rayonunun Məhəmmədi kəndində kənd sakini Anar Səfərov idarə etdiyi “AzSamand” markalı avtomobillə yolu keçən həmkəndliləri Arzuman Salmanovu, Elbrus Zahidovu və Elçin Əliyevi vurmuşdur. DİN-dən verilən məlumata görə, nəticədə A.Salmanov və E.Əliyev hadisə yerində ölmüşdür. Sabunçu RPİ tərəfindən araşdırma aparılır.
Azərbaycan daha bir şəxsi beynəlxalq axtarışa verib
Azərbaycan dövləti daha bir şəxsi "İnterpol" xətti ilə beynəlxaq axtarışa verib.
Hakimiyyət nümayəndəsinə zor tətbiq edən şəxslərin apellyasiya şikayətinə baxılacaq
Bakı Apellyasiya Məhkəməsində hakimiyyət nümayəndəsinə zor tətbiq etmə və digər cinayətlərdə təqsirləndirilən şəxslərin apellyasiya şikayətləri üzrə məhkəmə başlayır.
Xalidə İsgəndərova 18 il azadlıqdan məhrum edildi
Bu gün Bakı Ağır Cinayətlər Məhkəməsində həyat yoldaşını qətlə yetirməkdə təqsirləndirilən Bakı şəhər sakini Xalidə İsgəndərovanın cinayət işi üzrə məhkəmə prosesində hökm oxunub.
"Nardaran işi" üzrə şahid: "Zərərsizləşdirdiyim şəxsin əlində qumbara və beşbarmaq vardı"
Bu gün Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə məhkəmə prosesi davam etdirilib.
Bakıda məşum sevgi cinayətinin izi ilə- DƏHŞƏTLİ TƏFƏRRÜATLAR
Sevgilisi ilə birləşərək ərini qətlə yetirən, onun meyitini doğrayaraq hissələrə parçalayan, cəsədi paytaxtdan İsmayıllıya apararaq oradakı meşəlikdə basdıran cütlüyün – Sədi Məmmədovun və Lalə Mahmudovanın cinayət işi üzrə məhkəmə istintaqı davam edir.
Bakıdakı mənzillər yaran Gürcüstan vətəndaşı məhkəmə qarşısında
Bu gün Bakı Ağır Cinayətlər Məhkəməsində oğurluqda təqsirləndirilən şəxslərin cinayət işi üzrə məhkəmənin hazırlıq iclası keçirilib.
Azərbaycanda həbsdə olan erməni kəşfiyyatçı evinə məktub yazdı
Beynəlxalq Qızıl Xaç Komitəsinin (BQXK) Azərbaycan nümayəndəliyinin əməkdaşları 2014-cü ilin dekabr ayında Ağdam rayonunda saxlanılmış erməni hərbçiyə baş çəkiblər.
Həmyerlisini bıçaqlayan saxlandı
Qaradağ rayonunda bıçaqlama hadisəsi baş verib. DİN-dən verilən məlumata görə, Qaradağ RPİ 10-cu PB əməkdaşlarının həyata keçirdikləri əməliyyat-axtarış tədbirləri nəticəsində sentyabrın 7-də Bakı şəhər sakini Məhərrəm Babayevə bıçaqla xəsarət yetirməklə sağlamlığına ağır zərər vurmaqda şübhəli bilinən həmyerlisi Ruslan Cəbrayılov tutulub. Araşdırma aparılır.
Evdən qızıl aparanların qolları qandallandı
Sabunçu rayonunda evdən qızıl aparanların kimliyi bəlli olub. DİN-dən verilən məlumata görə, Sabunçu RPİ 13-cü PB və Nizami RPİ 24-cü PB əməkdaşlarının həyata keçirdikləri əməliyyat-axtarış tədbirləri nəticəsində cari il iyulun 3-də Bakı şəhər sakini Azər Osmanova məxsus evdən qızıl əşyalar oğurlamaqda şübhəli bilinən həmyerliləri Vüqar Tapdıqzadə və Orxan Həmidov tutulublar. Araşdırma aparılır.