Kriminal
Maşından pul oğurlayan tutulub
Paytaxtda avtomobildən oğurluq edən şəxs saxlanıb. DİN-dən verilən məlumata görə, Nəsimi RPİ 20-ci PB əməkdaşlarının həyata keçirdikləri əməliyyat-axtarış tədbirləri nəticəsində noyabrın 4-də Bakı şəhər sakini Tofiq Teyfurova məxsus "Ford" markalı avtomobildən 138 manat və sənəd oğurlamaqda şübhəli bilinən Sumqayıt şəhər sakini Simran Ağayev tutulub. Araşdırma aparılır.
Klubdan televizor oğurlayanlar ələ keçib
Bakıda oğurluq hadisəsinin üstü açılıb. DİN-dən verilən məlumata görə, DİN-in Təhlükəsiz Şəhər Xidməti, Bakı BPİ DYPİ və Nəsimi RPİ 19-cu PB əməkdaşlarının həyata keçirdikləri əməliyyat-axtarış tədbirləri nəticəsində oktyabrın 28-də Nəsimi rayonu ərazisindəki klublardan birindən 7 ədəd televizor və 3 ədəd oyun aparatı oğurlamaqda şübhəli bilinən "VAZ-21154" markalı avtomobilin sürücüsü, Cəlilabad rayon sakini Cavid Urşanov tutulub, daha 2 nəfər isə müəyyən edilib.
Azərbaycanlı oliqarxların 1 milyardlıq var-dövlətinə həbs qoyuldu
Rusiyanın İstintaq Komitəsi əslən Azərbaycanın "Qırmızı qəsəbə"sindən olan Roman və Solomon Manaşirov qardaşlarının 1 milyard dollardan çox dəyəri olan aktivlərinə həbs qoyulması barədə vəsadət qaldırıb.
Mənzildən 65 yaşlı qadının meyiti tapıldı
Şirvanda mənzildə qadın meyiti tapılıb. “Olaylar”ın Fövqəladə Hallar Nazirliyinin (FHN) saytına istinadən verdiyi məlumata görə, nazirliyin Böhran Vəziyyətlərində İdarəetmə Mərkəzinə Şirvan şəhərində mənzildə 1 nəfərin bağlı qapı arxasında köməksiz vəziyyətdə qalması barədə məlumat daxil olub. Dərhal yanğınsöndürən-xilasedicilər hadisə yerinə cəlb olunaraq mənzilin qapısını açmış və 1951-ci il təvəllüdlü Mövlayeva Lətifə Dəmir qızının meyitini aşkar edərək aidiyyəti üzrə təhvil veriblər.
Elektrik sobasında tapança keçirmək istədi
Rusiya Federasiyası istiqamətindən Xaçmaz Gömrük İdarəsinin “Samur” gömrük postunun idxal piyada xəttinə daxil olan Azərbaycan Respublikası vətəndaşının əl yükünə “Heimann X-Ray” texniki nəzarət vasitəsi ilə baxış keçirilib. Dövlət Gömrük Komitəsindən verilən məlumata görə, yoxlama zamanı əl yükündə olan elektrik sobasının içərisindən hissələrə ayrılmış şəkildə 1 ədəd pnevmatik tapança aşkar edilib. Faktla bağlı araşdırma aparılır.
Vidadi Zeynalov və digərlərinin məhkəməsi noyabrın 16-a təxirə salınıb - YENİLƏNİB
Bu gün Bakı Ağır Cinayətlər Məhkəməsində Rabitə və Yüksək Texnologiyalar Nazirliyinin sabiq Aparat rəhbəri Vidadi Zeynalov və digərlərinin cinayət işi üzrə məhkəmə prosesi keçirilib.
Zərərçəkmiş: "Maşallah Əhmədova iki sillə vurdum"
Bu gün Bakı Ağır Cinayətlər Məhkəməsində dələduzluqda təqsirləndirilən tanınmış futbolçu Maşallah Əhmədovun cinayət işi üzrə məhkəmənin növbəti iclası keçirilib.
“Taleh Bağırovun tərəfdarlarının atdığı daş başıma dəydi”
Bu gün Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə məhkəmə prosesi davam etdirilib.
Qaçaqmalçılar saxlanıldı
Xaçmaz Gömrük İdarəsinin Gömrük hüquqpozmalarına qarşı mübarizə şöbəsinə daxil olan əməliyyat məlumatı əsasında Azərbaycan Respublikasından Rusiya Federasiyası istiqamətinə gedən Azərbaycan Respublikası vətəndaşı Xartumov Abdula Hacımusa oğlunun idarə etdiyi “Hyundai Grand Santafe” markalı 20DJ244 dövlət nömrə nişanlı nəqliyyat vasitəsinə “Xanoba” gömrük postunda gömrük baxışı keçirilib.
Ukrayna Azərbaycan vətəndaşını axtarışa verdi
Ukrayna polisi qəsdən adam öldürməkdə təqsirli bilinən Azərbaycan vətəndaşını axtarışa verib.
"Eldar Mahmudov telefonların dinlənilməsinə icazə vermişdi..."
Ləğv edilmiş Milli Təhlükəsizlik Nazirliyinin həbsdə olan generallarının ittiham olunduqları cinayət əməlləri üzrə epizodların detalları bəlli olur.
Silah alverçisinin qoları qandallanıb
Lənkəran şəhər sakini Mahir Məmmədov noyabrın 2-də "Makarov" markalı silahla tutulub. DİN-dən verilən məlumata görə, ətrafında Lənkəran ŞRPŞ əməkdaşları tərəfindən aparılmış əməliyyat tədbirləri ilə onun həmin silahı Astara rayon sakini Sücayət Hacızadədən 500 manata alması müəyyən edilibr. Həyata keçirilmiş əməliyyat-axtarış tədbirləri nəticəsində S.Hacızadə də tutulub.
Maşınları qarət edən dəstə ifşa edilib
Gəncədə maşınlara qənim kəsilən dəstə zərəsizləşdirilib. DİN-dən verilən məlumata görə, Gəncə ŞBPİ və Kəpəz RPİ əməkdaşlarının həyata keçirdikləri əməliyyat-axtarış tədbirləri nəticəsində oktyabrın 14-dən 18-dək olan müddətdə şəhər sakinləri olan 5 nəfərə məxsus avtomobillərdən dövlət qeydiyyat nişanları, faralar, maqnitofon və təkər oğurlamaqda şübhəli bilinən şəhər sakinləri Mehman Əliyev və Məcid Sultanov tutulub, daha 1 nəfər isə müəyyən edilib.
Qadını vurub qaçan sürücü tutulub
Noyabrın 5-də saat 18 radələrində Şabran şəhərində müəyyən edilməmiş avtomobillə yolu keçən şəhər sakini Nazim Soltanov vurulub və o, hadisə yerində ölüb. DİN-dən verilən məlumata görə, Baş İstintaq və Təhqiqat İdarəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən "DAF" markalı avtomobilin sürücüsü, Bakı şəhər sakini Fərid Qasımov saxlanılıb.
Axtarışda olan şəxs tutulub
Qəsdən adam öldürmə maddəsilə axtarışda olan şəxs saxlanıb. DİN-dən verilən məlumata görə, Baş Cinayət Axtarışı İdarəsi, Sabunçu RPİ və İsmayıllı RPŞ əməkdaşlarının həyata keçirdikləri əməliyyat-axtarış tədbirləri nəticəsində Cinayət Məcəlləsinin 120-ci (Qəsdən adam öldürmə) maddəsi ilə axtarışda olan Canbulad Hüseynov tutulub.