Evdən pul oğurlayan şəxs ələ keçib

Binəqədi qəsəbəsindəki evlərdın oğurluq edən şəxs saxlanıb. DİN-dən "Olaylar"a bildirilib ki, Binəqədi RPİ 43-cü Polis Bölməsi əməkdaşlarının keçirdikləri əməliyyat tədbiri nəticəsində Binəqədi qəsəbəsindəki evlərin birindən 1900 manat pul və 240 manat dəyərində tütün məmulatı oğurlamaqda şübhəli bilinən Bakı şəhər sakini E.Abışov saxlanılıb. İlkin araşdırma zamanı onun əvvəllər məhkum olunduğu müəyyən edilib. Faktla bağlı araşdırma davam etdirilir.