Şamaxı Astrofizika Rəsədxanası NASA ilə əməkdaşlıq edir

ABŞ-ın Milli Aeronavtika və Kosmos Agentliyi (NASA) Günəş sisteminin öyrənilməsi üçün AMEA-nın N.Tusi adına Şamaxı Astrofizika Rəsədxanası(ŞAR) ilə mütəmadi əməkdaşlıq edir.

NASA-nın Günəş-Yer Fizikası Departamentinin rəhbəri Nat Qopalsvami bildirib ki, Azərbaycan son illərdə kosmik ölkələr arasına uğurla daxil olub və qurumun konfrans, seminarlarında fəal iştirak edir.

Azərbaycanın kosmik hava beynəlxalq təşəbbüsünə 2005-ci ildə qoşulduğunu xatırladan N.Qopalsvami ŞAR-ın NASA-nın məlumat əldə etdiyi 80 astronomiya kompleksindən biri olduğunu vurğulayıb.