“Günəşli” yatağındakı 81 nömrəli quyu istismara verilib

"Günəşli" yatağındakı 3-cü dərin dəniz özülündən 81 nömrəli quyu əsaslı təmirdən sonra istismara verilib. "OLAYLAR"-ın ARDNŞ-ə istinadən verdiyi xəbərə görə, quyu Balaxanı Lay Dəstəsinin IX horizontundan, 2865-2820 metr intervaldan gündəlik 35 ton neft hasilatı ilə istismara daxil edilib. Quyuda istismar işləri "28 May" NQÇİ tərəfindən həyata keçirilib.