İdman
Konfederasiyalar Kuboku: Portuqaliya ev sahiblərinə qarşı
Bu gün FİFA Konfederasiyalar Kuboku - 2017-də ikinci tura start veriləcək.
"Mançester Yunayed" müdafiəçisini satmağa hazırdır
"Mançester Yunayed" yay fasiləsində Mateo Darmianı sata bilər. "Qırmızı şeytanlar" italiyalı müdafiəçiyə təxminən 18 milyon funt qiymət qoyub. Darmianın A Seriyasına qayıtmaq ehtimalı daha yüksəkdir. "İnter", "Roma" və "Yuventus" onu heyətində görmək istəyir. "Qoca senyora" Dani Alveşin mövqeyində yarana biləcək boşluğu 27 yaşlı futbolçu ilə doldurmaq fikrindədir. Turin klubunun digər namizədləri Joao Konselo, Dalinlo və Mattia De Şilyodur.
Argentinada 32-ci dəfə çempion oldular
Futbol üzrə Argentina çempionatının qalibi müəyyənləşib. "Boka Yuniors" klubu mövsümün başa çatmasına iki tur qalmış birinci yeri rəsmiləşdirib. Bu, Buenos-Ayres təmsilçisinin ən yaxın izləyici "Banfild"in XXIX tur çərçivəsində səfərdə San-Lorensoya 0:1 hesabı ilə məğlubiyyətindən sonra dəqiqləşib. Hesabında 59 xal olan "Boka Yuniors" 54 xal toplayan "Banfild" üçün əlçatmaz olub.
"Sportinq" afrikalı hücumçunu heyətə qatdı
Müqavilə ilə "Roma" klubuna məxsus olan Seydu Dumbiya karyerasını Portuqaliyada davam etdirəcək. 29 yaşlı hücumçu 2017/18 mövsümünü icarə əsasında "Sportinq"də keçirəcək. Lissabon klubu növbəti yay afrikalı forvardı 6 milyon avro qarşılığında daimi transfer etmək imkanına malik olacaq. O, ötən mövsüm "Basel"in şərəfini qorumuşdu. Dumbiyanın "Roma" ilə müqaviləsi 2019-cu ildə başa çatacaq. O, bir neçə gün əvvəl Championship-də çıxış edən "Hall Siti"nin təklifini rədd etmişdi.
"Arsenal"dan türk futbolçuya görə 30 milyon avro
"Arsenal" Arda Turanın xidmətlərindən maraqlıdır. "Topçular" 30 yaşlı yarımmüdafiəçini 30 milyon avroya sıralarına qatmağa ümid edir. Onunla "İnter" və bəzi Çin klubları da maraqlanır.
Ronaldu həbsdən qaçmaq üçün...
"Real"ın hücumçusu Kriştianu Ronaldu həbs olunmamağa çalışır. Vergidən yayınmaqda ittiham edilən portuqaliyalı borcunu ödəməyə hazırdır. Belə ki, 2011-2014-cü illər aralığında 14,8 milyon avro vergini gizlətdiyi iddiası ilə məhkəməyə çağırılan 32 yaşlı forvard həmin məbləği ödəmək qərarına gəlib. O, bu yolla hakimin qərarının yumşalacağını düşünür.
Felipe Massa: “Bakıdakı unikal trekə yenidən qayıtmağı səbrsizliklə gözləyirəm”
“Mən həqiqətən də gözəl bir ölkəyə və Bakıda şəhərin tam mərkəzində yerləşən unikal trekə yenidən qayıtmağı səbrsizliklə gözləyirəm”. Bunu Formula 1 üzrə Azərbaycan Qran Prisində mübarizə aparacaq “Williams” komandasının sürücüsü Felipe Massa deyib.
"Qarabağ"ın rəqibindən əzmkar qələbə
Gürcüstan çempionatında XVIII tura start verilib. "Qarabağ"ın Çempionlar Liqasının II təsnifat mərhələsindəki rəqibi "Samtredia" öz meydanında "Dila"nı qəbul edib. Matçın gedişində qonaqlar iki dəfə hesabda önə keçmələrinə baxmayaraq, bərabərliyi təmin edən Gia Tsetzadzenin yetirmələri son 10 dəqiqədə məğlubiyyətdən qaçmaq bir tərəfə, hətta qələbə də qazana bilib. Belə ki, öncə 81-ci dəqiqədə status-kvonu bərpa edən "Samtredia" rəqibin meydanda azlıqda qalmasından yararlanaraq, 88-ci dəqiqədə 3 xalı gətirən qolu vurub. Bu qalibiyyət sayəsində turnir cədvəlində 3-cü pillədəki mövqeyini möhkəmlədən Azərbaycan çempionunun rəqibinin aktivində 33 xal var.
Peresdən Neymar etirafı
"Real"ın prezidenti Florentino Peres "Barselona"nın futbolçusu Neymarla bağlı etiraf edib. Peres Neymarı transfer etmək istədiklərini, ancaq buna nail olmadıqlarını deyib: "Neymar 2013-cü ildə "Real"da tibbi baxışdan da keçdi. Biz onu Madridə gətirmək üçün çox cəhd göstərdik. Amma sonradan bunun real olmadığını görüb, istəyimizdən vaz keçdik".
"Qəbələ" Kiyev "Dinamo"su ilə qarşılaşacaq
Avropa Liqasında mübarizə aparacaq "Qəbələ" Avstriyada təlim-məşq toplanışını davam etdirir. "Qırmızı-qaralar" hazırlığın ikinci mərhələsində daha 3 yoxlama görüşü keçirəcək. Rəqiblərdən ikisinin adı və oyunların keçirilmə tarixi artıq müəyyənləşib. Baş məşqçi Roman Qriqorçuk ilk olaraq iyunun 30-da Albaniya klubu "Kukesi" ilə görüşdə yetirmələrini sınayacaq. Premyer Liqanın gümüş mükafatçısı iyulun 4-də isə Kiyev "Dinamo"su ilə üz-üzə gələcək.
"Neymar məni "Barselona"ya dəvət edirdi"
"Real Madrid"in müdafiəçisi Danilo 2015-ci ildə "Barselona"dan da təklif aldığını bildirib. Həmin vaxt "Porto"da çıxış edən müdafiəçi həmyerlisi Neymar tərəfindən katalon klubuna dəvət olunduğunu qeyd edib.
Yığmamızın oyunçusu Türkiyə klubu ilə müqavilə bağladı
Azərbaycan millisinin voleybolçusu Nikalina Başnakova karyerasını Türkiyədə davam etdirəcək. 19 yaşlı hücumçu "Bursa Böyükşəhər Bələdiyyəspor" klubu ilə müqaviləsini yeniləyib. 179 sm boya malik Başnakova heyətində "Çelenc Cup"ı qazandığı komanda ilə 1 illik anlaşmaya imza atıb.
"Apreldə də yarış keçirə bilərik" - Nigar Arpadarai
"Bakı Şəhər Halqası üçün "Formula-1" yarışlarının aprel ayında keçirilməsi ilə bağlı heç bir problem yoxdur". Bunu Bakı Şəhər Halqasının Marketinq və Kommunikasiya şöbəsinin rəhbəri Nigar Arpadarai bildirib. "Bu, hələlik ilkin variantdır. Dəyişikliklərin olacağını istisna etmirəm. Bakı Şəhər Halqası üçün yarışların aprel ayında keçirilməsi ilə bağlı heç bir problem yoxdur. Yarışların istənilən mövsüm keçirilməsi üçün hər bir şərait var. BŞH olaraq yarışların başqa vaxta keçirilməsi ilə bağlı Beynəlxalq Avtomobil Federasiyasına (FİA) müraciət etməyi düşünmürük", - deyə BŞH rəsmisi qeyd edib.
Ronaldu məhkəmə qarşısına çıxacaq
Portuqaliya yığmasının və "Real"ın hücumçusu Kriştianu Ronaldu hakim qarşısına çıxacaq. Ulduz futbolçunun məhkəmə tarixi artıq müəyyənləşib. Vergidən yayınmaqda ittiham olunan və həbsi tələb edilən 32 yaşlı forvardın məhkəməsi iyulun 31-də baş tutacaq. Onun "Real"da qalıb-qalmayacağının məhkəmə qərarından asılı olacağı da istisna deyil.
Bulvar tribunasına olan biletlərin hamısı satıldı
Bulvar tribunasına olan biletlərin hamısı satılıb. Bakı Şəhər Halqası Əməliyyat Şirkətindən (BŞH) Trend-ə verilən məlumata görə, bu, 2017 Formula 1 Azərbaycan Qran Prisindən əvvəl bütün biletlərin satıldığı sayca üçüncü tribunadır.