İdman
Seçmə mərhələ yarışları keçiriləcək
1–9 iyul tarixlərində Azərbaycanın bütün bölgələrini əhatə edən ağır atletika üzrə Respublika yarışlarının 3-cü seçmə mərhələsi yarışları keçiriləcək. “OLAYLAR”-ın GİN-ə istinadən verdiyi xəbərə görə, məqsəd regionlarda atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsi, ağır atletika idman növünün şəhər, rayon, qəsəbə və kəndlərdə təbliği və inkişafı, idmançılar və məşqçilər arasında dostluq əlaqələrinin möhkəmləndirilməsi, idmançıların ustalıq səviyyəsinin artırılması və təkmilləşdirilməsidir.
"Liverpul" London klubundan futbolçu almaq istəyir
"Liverpul" gənc yarımmüdafiəçi Aleks Oksled-Çemberleyni transfer etmək fikrindədir. "Mersesaydlılar" ona görə 25 milyon funt ödəməyə hazırdır. Çemberleyn "Arsenal"la yeni müqaviləni razılaşdıra bilmir. London klubu ona həftəlik 80 min funt məvacib ödəmək istəyir. Müqaviləsi 2018-ci ilin yayında başa çatacaq ingilis havbek isə buna razı deyil. "Liverpul" onunla bağlı məsələni yaxından izləyir.
"Qarabağ"ın oyunu canlı yayımlanacaq
"Qarabağ" Çempionlar Liqasının II təsnifat mərhələsinin ilk oyunları çərçivəsində iyulun 11-də "Samtredia"nı qəbul edəcək. Gürcüstan təmsilçisi ilə Bakıda baş tutacaq qarşılaşma canlı yayımlanacaq. Belə ki, matç "İdman Azərbaycan" telekanalı vasitəsi ilə birbaşa göstəriləcək.
"Qəbələ"nin istədiyi hollandiyalı klubundan ayrılır
"Qəbələ"nin maraq dairəsində olan Deyv Bulteysin karyerasını Azərbaycanda davam etdirmək şansı getdikcə artır. "Nürnberq" müdafiəçisi ilə yollarını ayırmağa hazırlaşır.
"Övladlarımla ilk dəfə görüşəcəyim üçün çox sevinirəm"
"Real" və Portuqaliya millisinin hücumçusu Kriştianu Ronaldu Konfederasiyalar Kubokunda 3-cü yer uğrunda keçiriləcək oyunda iştirak etməyəcək. Ulduz futbolçuya yenicə dünyaya gələn övladlarını görmək imkanı yaradılıb.
“Qarabağ” FK-nın hekayəsi “Stamford Bridc” stadionunda təqdim olunub
İdman insanları bərabərləşdirmək və onlar arasında həmrəylik yaratmaq üçün çox gözəl vasitədir. Etnik mənsubiyyətindən, dinindən, milliyyətindən və ya mədəniyyətindən asılı olmayaraq idmanda hakim olan qaydalar bütün dünyada anlaşılır. Buna rəğmən, bəzən idman da münaqişənin qurbanı ola bilər və bunu “Qarabağ” Futbol Komandasının timsalında görmək olar. Onların Ağdamda yerləşən döğma meydançaları 1993-cü ildə erməni işğalçıları tərəfindən Dağlıq Qarabağ və ona bitişik yeddi rayon zəbt edildikdən sonra çəbhə zonasına çevrilib. Komanda ev oyunlarını Tofiq Bəhramov adına Respublika Stadionunda keçirməyə məcbur olub.
3 aydır qırıq ayaqla oynayırmış
Konfederasiyalar Kubokunda Rusiyanı 1-0 məğlub edən Portuqaliya millisinin düşərgəsindən pis xəbər gəlib. Sözügedən matçın 65-ci dəqiqəsində əvəzlənən Rafael Querreironun ayağında qırıq olduğu məlum olub. Ancaq ulduz futbolçunun verdiyi açıqlama hər kəsi təəccübləndirib.
Messinin həbs cəzası cərimə ilə əvəzləndi
İspaniyanın Ali Məhkəməsi "Barselona"nın ulduz futbolçusu Messiyə vergidən yayınmaqla bağlı cəzanı yumşaldacaq. Argentinalı hücumçunun 21 aylıq həbs cəzası əvəzinə 252 min avro cərimə ödəməsi yetərli olacaq. Messinin həbs cəzası da şərti xarakter daşıyırdı. İspaniya qanunlarına görə 2 ildən az azadlıqdan məhrum etmə cəzası cərimə ilə əvəzlənə bilər. Futbolçunun atası isə 180 min avro cərimə ödəyəcək. Prokurorluq da cəzanın əvəzlənməsinə etiraz bildirməyib.
Braziliyalılar "Barselona"dan narazıdırlar
"Santos" klubu FİFA-ya müraciət etməyə hazırlaşır. Braziliya təmsilçisi "Barselona"nın transfer fəaliyyətindən narazıdı. İspaniya nəhənginin yarımmüdafiəçi Lukas Lima ilə anlaşması braziliyalıların narazılığına səbəb olub. Məsələ burasındadı ki, 2017-ci il, dekabrın 31-də "Santos"la müqavilə müddəti başa çatacaq Lima artıq "Barselona" ilə 5 illik müqaviləni razılaşdırıb və gələn ildən kataloniyalıların formasını geyinəcək. Lakin FİFA-nın reqlamentinə görə, "Barsa" iyulun 1-dək 27 yaşlı futbolçu ilə anlaşa bilməz. "Santos" rəhbərliyi də göstərilən vaxtdan 10 gün tez davranan ispanların cəzalanması üçün ali futbol qurumuna müraciət edəcək.
"Mançester Yunayted"dən braziliyalı müdafiəçiyə görə 70 milyon avro
"Mançester Yunayted" müdafiə xəttinə daha bir transfer etmək niyyətindədir. "Qırmızı şeytanlar" PSJ klubuna Markinyosun transferinə görə 70 milyon avro təklif edib. Braziliyalı müdafiəçini "Barselona" da uzun müddətdir heyətinə qatmaq arzusundadır.
Çin yığması Almaniya Regional Liqasında mübarizə aparacaq
Almaniya və Çin futbol federasiyaları arasında əməkdaşlıq haqqında razılıq əldə olunub. Bu müqaviləyə əsasən Çinin U-20 yığması 2017/18 mövsümündə Almaniya Regional Liqasında bir neçə klubla oyun keçirəcək.
"Qəbələ" Bolqarıstan çempionuna uduzdu
Avstriyada təlim-məşq toplanışında olan "Qəbələ" növbəti yoxlama oyununu keçirib. "Qırmızı-qaralar" Bolqarıstan "Ludogorets"i ilə qarşılaşıb. Baş məşqçi Roman Qriqorçuk görüşdə aşağıdakı start "11-liy"inə şans verib: Dmitri Bezotosnı, Ürfan Abbasov, Vojislav Stankoviç, Vitali Vernidub, İlqar Qurbanov, Elvin Camalov, Qismət Alıyev, Asif Məmmədov, Elvin Məmmədov, Filip Ozobiç, Baqali Dabo.Oyunun gedişində Desmond Asare Camalovu, Araz Abdullayev Dabonu, Xavyer Ernandes Qonzales Elvin Məmmədovu, Rasim Ramaldanov Abbasovu, Aqil Məmmədov Bezotosnını əvəzləyib.
Formula 2 sərbəst yürüşlərində qəza İki pilot mübarizəni dayandırdı
Bakıda keçirilən Formula-2 avtomobil yarışlarının sərbəst yürüşü zamanı “Trident” komandasının malayziyalı pilotu Nəbil Ceffrinin bolidi dayanıb. Trasın ortasında qalan bolid təxliyə edilib.
Universitetin İdman Klubu Dağçılıq düşərgəsində
Qərb Universiteti İdman Klubu Dağçılıq düşərgəsində iştirak edib. Universitetdən “Olaylar” – a bildirilir ki, Qax rayonu ərazisində təşkil olunmuş Dağçılıq Təlimləri Düşərgəsində fərqli yaş qruplarından olan iştirakçılara 5 gün ərzində təməl dağçılıq dərsləri keçilib. Təlimlərdə Qərb Universitetinin tələbələri də aktiv şəkildə iştirak ediblər.
Azərbaycan Formula 1 Qran Prisinə necə hazırlaşdı?
Paytaxt Bakı ikinci Formula 1 yarışına ev sahibliyi etməyə hazırdır. Yarış həftəsonuna adətən cümə axşamı start verilsə də, bu dəfə cədvəldə dəyişiklik var. Paytaxt Bakı Formula 1 komandalarını, sürücülərini və yarış həvəskarlarını qarşılamaqdan böyük məmnunluq duyur. Müasir texnologiyaya cavab verən bolidlərin xarakterik yarış səsi Bakı küçələrində hər gün eşitdiyimiz maşın uğultusunu əvəz edəcək. Şəhər heç vaxt belə həyəcanlı görünməyib - yerli əhali və əcnəbi turistlərin ürəyi əsrarəngiz yarış gözləntisi ilə döyünür.