İdman
FIFA Dünya Liqası təsis edə bilər
FİFA milli komandaların yoldaşlıq görüşlərini Dünya Liqası oyunları ilə əvəzləyə bilər. Qurumun məmurları yoldaşlıq oyunlarının popolyarlığını itirməkdə olduğunu düşünür. Dünya Liqasının 2019-cu ildə təsis olunması və oyunların 1 il davam etməsi nəzərdən keçirilə bilər. Yeni turnirdə milli komandalar Millətlər liqasına uyğun fomrada 3 divizionda qruplaşdırılacaq.
İŞİD Neymarı hədəf aldı: “Biz təhlükəsiz yaşamadıqca...”
İŞİD terror təşkilatı Rusiyada təşkil ediləcək “2018 Dünya Kuboku”nu bu dəfə dünyanın ən bahalı transferinin fotosu ilə təhdid edib. Terror təşkilatının Lionel Messidən sonra hədəfi “PSJ”-nin ulduzu Neymar olub. Sosial mediada İŞİD-in dəstəkçiləri olan bəzi səhifələr Neymarın fotoşop edilmiş fotolarını paylaşıb və "2018 Dünya Kuboku"na ev sahibliyi edəcək stadionları havaya uçuracağını yazıb.
Məsut Özil transferi haqda danışdı
Məsut Özil haqqında yayılan xəbərlərə münasibət bildirib. Almaniya yığmasının türk əsilli üzvü "Arsenal"dan ayrılaraq "Mançester Yunayted"ə keçəcəyi ilə bağlı iddialara "Sky Sports" vasitəsi ilə cavab verib: "Mən burda xoşbəxtəm və 100 faiz gücümü ortaya qoymağa çalışıram.
Messi Azərbaycanla oynamaq istəmədi
Argentina milli komandasının Azərbaycan və Ukrayna yığmaları ilə keçirmək istədiyi yoldaşlıq görüşünün baş tutmamasının səbəbkarı müəyyənləşib. Bu komandalarla oyunun keçirilməsini Cənubi Amerikadan olan kollektivin, Lionel Messi başda olmaqla, aparıcı oyunçuları istəməyiblər.
"Tottenhem"də şok itki
"Tottenhem" Premyer Liqa çərçivəsində "Mançester Yunayted"lə qaşılaşma öncəsi ciddi itki ilə üzləşib. Klubun əsas oyunçularından olan Harri Keyn "Vest Hem"lə oyunda aldığı zədə səbəbindən oyunu buraxmalı olacaq. Keynin "Real"la Çempionlar Liqası matçında da komandasına kömək edə bilməyəcəyi bildirilir.
“Kəpəz”dən yeni transfer
Cari mövsüm uğursuz çıxış edən "Kəpəz" heyətini gücləndirib. Bu barədə komandanın baş məşqçisi Şahin Diniyev məlumat verib. Onun sözlərinə görə, seneqallı mərkəz yarımmüdafiəçisi Aladji Mansur Bailə münasibətlər rəsmiləşdirilib.
Mourinyodan “Atletiko”ya təklif
Oktyabrın 31-də "Qarabağ"ı qəbul edəcək "Atletiko" aparıcı futbolçularından olan Saul Nigeslə vidalaşa bilər. Gənc yarımmüdafiəçinin karyerasını İngiltərədə davam etdirmək variantı var. Belə ki, "Mançester Yunayted" Saulun xidmətində maraqlıdı. "Mankunianlar"ın baş məşqçisi Joze Mourinyo rəhbərliklə söhbətində İspaniya yığmasının üzvünün alınmasını istəyib. O, keçidin baş tutması üçün 2 futbolçunu qarşı tərəfə göndərməyə razıdı. Söhbət Premyer Liqa klubunun formasını geyinən ispaniyalılar - Ander Herrera və Xuan Matadan gedir.
Vidalın adı növbəti qalmaqalda hallanır
"Bayern Münhen"in yarımmüdafiəçisi Arturo Vidal növbəti dəfə gecə həyatında baş verən qalmaqalla gündəmə gəlib. İnsident sentyabrın 17-də baş verib. Münhenin "Crown's Club" disko klubunda qardaşı Sandrino və dostları ilə istirahət edən Vidal toplu davada bir nəfərin başına butulka ilə zərbə endirib.
"Qarabağ" və "Qəbələ"nin hesabına təqribən 300 min avro köçürüldü
"Qarabağ" və "Qəbələ" klublarının hesabına təqribən 300 min avro köçürülüb.
Dieqo Qodin: “Qarabağ”la oyuna yalnız 3 xal üçün çıxacağıq”
“Son vaxtlar nəticələrimiz heç də gözlənildiyi kimi deyil. Xüsusən, Çempionlar Liqasında özümüzə bənzəmirik”. Bu sözləri “Atletiko”nun futbolçusu Dieqo Qodin deyib. La Liqanın X turu çərçivəsində oktyabrın 28-də öz meydanında “Vilyarreal”la qarşılaşacaq Madrid təmsilçisi 3 gün sonra Çempionlar Liqasının qrup mərhələsində “Qarabağ”ı qəbul edəcək.
Runi zibil yığır - Məhkəmə qərarı
Sərxoş halda avtomobil idarə etdiyi üçün ötən ay saxlanılan "Everton"un hücumçusu Ueyn Runinin ictimai işlərə cəlb edilməsi barədə məhkəmə qərarı dünəndən qüvvəyə minib. İngiltərə futbolunun canlı əfsanəsi Makklsfilddəki parklardan birində işləyərkən görünüb. O, burada oturacaqları rəngləyir və zibil yığırmış. Ətrafdakı insanların verdiyi xəbərə görə, Runi bu zaman çox kefsiz görünürmüş.
Levandovski karyerasını "Real"da davam etdirə bilər
"Bavariya"ın hücumçusu Robert Levandovski karyerasını "Real"da davam etdirə bilər. Məlumata görə, klub nümayəndələri onun transferi ətrafında danışıqlar aparırlar.