İdman
Bu gödəkçə telefon zənglərinə cavab verə bilir - fotolar
Google və “Levi’s” brendi maraqlı ortaq layihəyə imza atıblar. Onlar birlikdə “Levis Commuter Trucker” adlı cins gödəkçə hazırlayıblar. Gödəkçələrin özəlliyi ondadır ki, telefon zənglərinə cavab verir, avtomobil, velosiped idarə edərkən döngələrdə xəbərdarlıq edir və SMS-ləri ucadan oxuyur.
Avropa zonası üzrə "pley-off"un püşkü atılıb
Bu gün DÇ-2018-in Avropa zonası üzrə pley-off mərhələsinin püşkü atılıb. Məlumata görə, seçmə mərhələdə qrup ikincisi olan komandalar arasında ən yüksək göstəriciyə malik 8 yığma 4 vəsiqə uğrunda mübarizədəki son rəqibini tanıyıb.
2018 Dünya Kuboku iştirakçılarının rəqibləri bəlli oldu
2018 Dünya Kuboku Avropa Seçimlərinin play-off mərhələsində yarışan komandaların rəqibləri bəlli olub. Qruplardan ikinci çıxan 8 komanda arasında püşkatma keçirilib.
"Qəbələ" - "Qarabağ" oyununun vaxtı açıqlandı
Azərbaycan Premyer Liqasının IX turunun oyun cədvəli müəyyənləşib. Turun mərkəzi oyunu - "Qəbələ" - "Qarabağ" matçı oktyabrın 22-də keçiriləcək.
İtaliya A seriyasında baş məşqçi istefası
İtaliya A seriyası təmsilçisi "Kalyari" baş məşqçisi Massimo Rastellini istefaya göndərib. Bu barədə klubun saytı məlumat yayıb. Buna komandanın 2017/2018 mövsümündə ölkə çempionatındakı uğursuz çıxış səbəb olub. Komanda A seriyasında keçirdiyi son 4 oyunda uduzub.
Foqts: "Bayenr Münhen"in baş məşqçisi postuna əsas namizəd Kloppdur"
Azərbaycan millisinin sabiq çalışdırıcısı Berti Foqts "Bayenr Münhen"in yenidən baş məşqçi Yupp Haynkesə ehtiyac duymasına toxunub. "Sport1" nəşrinə açıqlamasında təcrübəli mütəxəsis bunları deyib: "Haynkesin mövsümün sonunda "Bavariya"dan gedəcəyinə əmin deyiləm.
Məşhur ispan qəzeti “Marca” “Qarabağ”dan yazdı - “Evsiz çempion”
"Atletiko"nun Çempionlar Liqasının qrup mərhələsində üz-üzə gələcəyi "Qarabağ" İspaniya mətbuatının gündəmindən düşmür. "Marca" nəşri Ağdam klubunun tarixi barədə yazı dərc edib. Məqalədə ən diqqətçəkən məqam "Qarabağ"ın "evsiz çempion" kimi təqdim edilməsidi. Azərbaycanla Ermənistan arasındakı münaqişəyə toxunan ispanlar "Qarabağ"ın bu səbəbdən 20 ildən çoxdu Bakıda məskunlaşdığını vurğulayıblar: "İspaniyalı Ruben Sellesin məşqçi kimi çalışdığı komanda müharibə ucbatından şəhərsiz və stadionsuz qalıb. Həmçinin, bir milyondan çox insan qaçqın düşüb. Komandanın məşqçisi Allahverdi Bağırov Ağdam döyüşlərinə könüllü qatılıb və həlak olub. Baş verənlər klubu 255 km uzaqlıqda olan Bakıya köçməyə məcbur edib. Hazırda "Azərsun Holding"in sponsoru olduğu kluba Tahir Gözəl başçılıq edir".
Ronaldo Avropada ikinci oldu - FORBES
İspaniyanın "Real" futbol klubunun və Portuqaliya yığmasının hücumçusu Kristiano Ronaldo Avropada ən yüksək maaşlı məşhurlar siyahısında ikinci yeri tutdu.
Qurban Qurbanov: Ən azı, yaxşı mübarizə aparmağa çalışacağıq
"Ən azı, yaxşı mübarizə göstərməyə çalışacağıq". Məlumata görə, bunu UEFA Çempionlar Liqasının qrup mərhələsində Bakıda keçiriləcək "Qarabağ" - "Atletiko" oyunundan əvvəl mətbuat konfransında Ağdam təmsilçisinin baş məşqçisi Qurban Qurbanov deyib.
İngilis qapıçı oğlu ilə oynarkən zədələndi
"Vest Bromvich"in qapıçısı Ben Foster dizini zədələyib. Təcrübəli qolkiper oğlu ilə həyətdə oynadığı vaxt zədə alıb. Komandanın baş məşqçisi Toni Pulis "Lester Siti" ilə oyundan (1:1) sonra bu barədə məlumat verib.
Veteran güləşçilərimiz Bolqarıstandan medalla qayıdıb
Bolqarıstanın Plovdiv şəhərində Veteran güləşçilərin Dünya çempionatı keçirilib. AGF-dən “OLAYLAR”-a daxil olan məlumata görə, Azərbaycan pəhləvanları çempionatı 1 qızıl və 1 gümüş medalla başa vurub.
İqnasio Herrera: "Atletiko"nu Bakıda çətin oyun gözləyir"
"Neftçi"nin futbolçusu İqnasio Herrera Çempionlar Liqasının qrup mərhələsinin üçüncü turunda keçiriləcək "Qarabağ" - "Atletiko" oyunu ilə bağlı danışıb. Məlumata görə, o, "Marca"ya açıqlamasında Madrid klubunu Bakıda çətin oyun gözlədiyini deyib: "Qarabağ" çox yaxşı komandadır. Onların güclü futbolçuları var. "Qarabağ" "Atletiko"nun işini çətinləşdirəcək".
"Real Madrid"in futbolçusunun 3-cü uşağı oldu
"Real Madrid"in yarımmüdafiəçisi Luka Modric 3-cü dəfə ata olub. 32 yaşlı havbekin qız övladı dünyaya gəlib. Modric oktyabrın 2-də doğulan qızı ilə fotosunu İnstagram-da paylaşıb. Ona Sofiya adı verilib. Modric 2010-ci ildən Venya Bosniçlə nikah bağlayıb. Həmin ilin iyununda cütlüyün İvan adlı oğlu, 2013-cü ildə isə Emanuel adlı qızı dünyaya göz açıb.
“Qarabağ”dan tarixi qələbə
“Qarabağ” Azərbaycan çempionatlarında tarixi qələbəsini qazanıb. Məlumata görə, Ağdam təmsilçisi buna Topaz Premyer Liqasının VIII turunun “İnter”lə görüşündə nail olub.