İdman
"Heç-heçə bizim üçün yaxşı nəticədir"
"Matç ərzində oyuna daha çox biz nəzarət etdik. İquainin ilk qolu ofsayd idi. 0:2 hesabı ilə geri düşdükdən sonra komandam yaxşı oyun nümayiş etdirdi". Bu sözləri "Tottenhem"in baş məşqçisi Maurisio Pokettino Çempionlar Liqasının 1/8 finalında "Yuventus"la ilk oyundan (2:2) sonra deyib. "Futbolda bir az da şansa ehtiyac var. "Yuventus" 2:0 hesabı ilə irəlidə olmağa layiq deyildi. İkinci hissədə yaxşı oynadıq. Heç-heçə bizim üçün yaxşı nəticədir" - deyə o bildirib.
Neymar 2019-cu ildə "Real"a keçəcək?
Neymarın "Real"a transfer ehtimalı bir neçə aydır gündəmə gətirilir."Mundo Deportivo" nəşri braziliyalı futbolçunun 2019-cu ilin yayında Madrid klubuna keçəcəyini ehtima edib. Mənbənin yazdığına görə "sambaçı" İspaniya La Liqasını daha baxımlı hesab edir.
Millimizin sabiq futbolçusu kriminal avtoritet imiş… – FOTOLAR
17 yaşadək futbolçulardan ibarət Azərbaycan millisinin sabiq üzvü Haqverdi Yusifovun bir müddət əvvəl şəxsi “facebook” hesabında “qanuni oğru” Nadir Səlifovla birgə çəkdirdiyi şəklini paylaşması maraqla qarşılanmışdı.
Harri Keyn: "Erkən qollar bizi "sındıra" bilərdi"
"Buraxdığımız erkən qollar bizi "sındıra" bilərdi. Axı səfərdə, böyük arenada oynayırdıq". Bu sözləri "Tottenhem" klubunun hücumçusu Harri Keyn deyib. Çempionlar Liqasının 1/8 final mərhələsinin ilk oyunları çərçivəsində "Yuventus"un qonağı olan İngiltərə təmsilçisi 2:2 hesablı heç-heçə edib. "Tottenhem" matçın əvvəlində hesabda 2 top fərqilə geri düşsə də, oyunun gedişatını dəyişməyi bacarıb.
Quti: "Neymar bilir ki, "Real"dan daha yaxşı yerə gedə bilməz"
"Real Madrid"in əvəzedici komandasının məşqçisi Quti Çempionlar Liqasının 1/8 final oyunları öncəsi fikirlərini bölüşüb. Gənc mütəxəsis bunları deyib: "Çempionlar Liqası "Real"ın titul qazanmaq üçün son imkanıdır. Amma PSJ ilə oyunun Zidan üçün son şans olmadığına ümid edirən. Onun etdiklərini unutmaq olmaz. PSJ üçün də Fransa çempionatı və kubokunda qalibiyyət yetərli deyil. Zidan qalmalıdır, lakin bir gün "Real"ın baş məşqçisi olmağı necə arzulamaya bilərəm?
Kubokun finalı paytaxtda baş tutacaq
İspaniya kubokunun final matçının keçiriləcəyi stadion açıqlanıb. "Barselona" və "Sevilya" arasında baş tutacaq görüş "Atletiko"nun ev oyunlarını keçirdiyi "Vanda Metropolitano" stadionunda keçiriləcək.
UEFA nümayəndələri bunun üçün Azərbaycana GƏLDİ
Avropa Liqası turnirinin 2019-cu ildə Bakı Olimpiya Stadionunda keçiriləcək final oyununa hazırlıq prosesi çərçivəsində UEFA nümayəndələrinin Bakıya növbəti işgüzar səfəri başlayıb.
.jpg)
Azərbaycan Karate Federasiyasında yeni təyinatlar
Böyüklərdən ibarət milli komandanın məşqçilər heyətində yeni təyinatlar olub. “OLAYLAR”-a Azərbaycan Milli Karete Federasiyasından bildirilib ki, federasiyası İdarə heyətinin qərarı ilə Şahin Xudaverdiyev kişilərdən ibarət seçmə komandanın baş məşqçisi səlahiyyətlərini müvəqqəti icra edəcək. Həmçinin Qurban Tağıyev böyük məşqçi, Seymur Hüseynov və Rəşad Hüseynov isə baş məşqçinin köməkçiləri təyin olunub. Qadınlardan ibarət milli komandanın baş məşqçisi səlahiyyətlərini isə, yeniyetmə və gəncləri çalışdıran Anar Allahverdiyev icra edəcək.
Yeniyetmə və gənclər arasında Azərbaycan çempionatı keçiriləcək
Fevralın 20-23-də Bakı İdman Sarayında sərbəst və yunan-Roma güləşi üzrə yeniyetmə və gənclər arasında Azərbaycan çempionatı keçiriləcək. “OLAYLAR” AGF-yə istinadən xəbər verir ki, çempionatın keçirilməsi yeniyetmə və gənclər arasında sərbəst və yunan-Roma güləşi idman növlərinin inkişafına və kütləviliyinə nail olmaq, ehtiyat qüvvələri aşkarlamaq, yeniyetmə və gənclərdən ibarət yığma komandanın heyətini formalaşdırmaq məqsədi daşıyır.
Olimpiya Oyunlarında YENİ VİRUS YAYILDI
9 fevralda start götürən 2018-ci il Pxençan Qış Olimpiya Oyunlarında kəskin qastroenteritə səbəb ola biləcək “norvalk” virusunun müxtəlif tipləri yayılmağa başlayıb. Görülən bütün tədbirlərə rəğmən virusa yoluxanların sayı 200-ə çatıb. Olduqca sürətli şəkildə yayılan virusa ilk dəfə keçən həftə rast gəlinib.
Taekvondoçularımız İstanbulda 2 medal qazandı
Türkiyənin İstanbul şəhərində taekvondo üzrə klublararası Avropa çempionatının ardından "Turkish Open" turnirinə start verilib. Sayca 5-ci olan G1 kateqoriyalı yarışda Azərbaycanın gənclərdən ibarət millisi də mübarizəyə qatılıb. Turnirin ikinci günü dayanq üzərinə çıxan taekvondoçularımızdan ikisi medala yiyələnib.
Obyektləri yaxınlaşdıran “4D” eynək yaradılıb
Kaliforniya Universitetinin tərtibatçıları film obyektlərinə baxış zamanı tamaşaçıya toxunmağa imkan verəcək dördölçülü eynək yaradıblar. İştirakın effektini gücləndirmək üçün eynək istifadəçiyə “toxunmağa” başlayaraq baxış zamanı, məsələn, ekranda tamaşaçıya tərəf hərəkət edən obyekt görünəndə əlavə hisslər yaradacaq.
Fransalı futbolçu Mərakeş millisini seçdi
"Napoli"nın qış transferi Zinəddin Maşeş mərakeş millisində çıxış edəcək. 22 yaşlı yarımmüdafiəçi Mərakeş Futbol Federasiyasının nümayəndələri ilə bir neçə görüşdən sonra buna razılıq verib. Maşeş Marsel şəhərində dünyaya gəlib və Fransa vətəndaşıdır. Onun atası əlcəzairli, anası isə mərakeşlidir. Ötən mövsüm "Toulouse" klubunun liderlərindən olan Maşeş yanvarda Neapol klubu ilə 4.5 illik müqaviləyə imza atmışdı.