İdman
Azərbaycan gimnastları İlya Qruşinin və Ruslan Ağamirov finala vəsiqə qazandı
Azərbaycanlı gimnastlar İlya Qruşinin və Ruslan Ağamirov finala vəsiqə qazanıb. İlya Qruşinin və Ruslan Ağamirov Bakıda keçirilən sinxron hərəkətlərdə batut gimnastikası üzrə Avropa çempionatının finalına yüksəlib. Qeyd edək ki, bu gün Bakıda batut gimnastikası, ikili mini-batut və tamblinq üzrə Avropa çempionatının üçüncü gününə start verilib.
"Pavol Farkaşı "Qəbələ"yə aldadıb aparmışdım"
Hazırda Slovakiyanın "Nitra" klubunda çıxış edən Pavol Farkaşı "Qəbələ"yə aldadıb aparmışdım. Bunu moldovalı sabiq futbolçu Denis Zmeu "Pro Sport"a açıqlamasında deyib.
4 ilə 24 məşqçi qovdu
Misirin ən məşhur klublarından olan "Zəmələk"də növbəti dəfə məşqçi istefası olub. "Zəmələk"in prezidenti Mortada Mənsur baş məşqçi Ehab Qalalı istefaya göndərib. Qalal 2014-cü ilin aprelindən bəri komandada çalışan 23-cü məşqçi idi. Məhz həmin vaxtdan Mortada "Zəmələk"də prezident kimi fəaliyyətə başlayıb. Komanda Misir çempionatında 3 tur dalbadal məğlub olduqdan və Afrika Konfederasiyalr Kubokunda mübarizəni dayandırdıqdan sonra prezident 24-cü dəfə məşqçi istefasına əl atıb.
Rusiyalı idmançı: "Yalnız Azərbaycan gimnastika yarışlarını belə yüksək səviyyədə keçirilə bilər"
Heç kim gimnastika yarışlarını Azərbaycan Gimnastika Federasiyası kimi maraqlı təşkil etmir. Bunu Bakıda Avropa çempionatının batut yarışlarında mübarizə aparan rusiyalı gimnast Dmitri Uşakov deyib. O bildirib ki, Bakıda artıq ənənəvi hal almış yarışları çox bəyənir: "Düşünürəm ki, heç kim yarışları belə maraqlı keçirmir. Burada hər şeyin daha gözəl və əyləncəli olması və turnirdə iştirak üçün şou da vacibdir. Biz Bakıya gələndə əmin idik ki, elə bu cür də olacaq. Çünki azərbaycanlı təşkilatçılar yarışlara necə hazırlaşdıqlarını artıq göstəriblər. Hər şeyə görə və tamaşaçılar üçün belə maraqlı əyləncələrə görə təşəkkürlər!"
Azarkeş: "Bakıda batut gimnastikası və tamblinq üzrə Avropa çempionatının açılış mərasimi möhtəşəm idi"
Bakıda batut gimnastikası, ikili mini-batut və tamblinq üzrə 26-cı Avropa çempionatının açılış mərasimi sadəcə möhtəşəm idi. Bunu gimnastika yarışlarının azarkeşi Svetlana Əliyeva deyib. O, hər şeyin çox gözəl təşkil olunduğunu bildirib: "Açılış mərasimi isə sadəcə möhtəşəm idi. Biz hətta mərasimi çəkdik və sosial şəbəkələrdəki səhifələrimizdə kadrları paylaşdıq. Düşünürəm ki, bu mərasim hələ uzun müddət yaddaşlarda qalacaq".
Qarabağ mövqeyini dəyişmədi
UEFA Avroliqanın 1/4 final mərhələsinin oyunlarından sonra növbəti klub reytinqini açıqlayıb. Siyahıda 7 Azərbaycan təmsilçisi də var. Ən yaxşı nəticə Qarabağ-a məxsusdur. Ağdam təmsilçisi 20.500 xalla əvvəlki kimi 73-cü pillədə qərarlaşıb.
Formula 1 komandaları gələn həftədən Bakıya gəlir
2018-ci il 27-29 aprel tarixlərində keçiriləcək Formula 1 Azərbaycan Qran Prisində iştirak edəcək komandalar aprelin 23-dən etibarən Bakıya gəlməyə başlayacaqlar. Bunu Bakı Şəhər Halqası Əməliyyat Komitəsinin (BŞHƏK) Marketinq və kommunikasiya şöbəsinin rəhbəri Nigar Arpadarai deyib.
İlya Qrişunin: "Avropa çempionatında mənim hədəfim fəxri kürsüdə mümkün qədər yüksək yer tutmaqdır"
Bakıda keçirilən Avropa çempionatında mənim fərdi hədəfim fəxri kürsüdə mümkün qədər yüksək yer tutmaqdır. Bunu Azərbaycan gimnastı İlya Qrişunin deyib. O bildirib ki, yarışlara 3 ay hazırlaşıb: "Mənim hədəfim fərdi yarışlarda mümkün qədər yüksək yer tutmaqdır. Mənim üçün bu ilk üçlükdəki yerdir. Ağır olmasına baxmayaraq mən bunu etməyə çalışacağam".
Avropa Liqasında yarımfinalın püşkü atılacaq
İsveçrənin Nyon şəhərində Avropa Liqasının yarımfinal mərhələsinin püşkatma mərasimi keçiriləcək. UEFA-nın mənzil-qərargahında saat 14:00-da başlanacaq püşkatma nəticəsində İngiltərənin Arsenal, İspaniyanın Atletico, Fransanın Marseille və Avstriyanın Salzburg komandalarından 2 cütlük formalaşacaq. Bu zaman heç bir komanda səpələnmiş və səpələnməmişlər səbətlərinə bölünməyəcək, istənilən klub digərlərindən birinə rəqib ola biləcək. Adları birinci göstərilən kollektiv ilk oyunu öz meydanında keçirəcək.