İranda 5 nəfər "girov" götürən şəxs ÖLDÜRÜLDÜ

İranda Fars vilayətinin Şiraz şəhərində apteki qarət edərək 5 nəfəri "girov" götürən şəxs qətlə yetirilib.

Olaylar.az Trend-ə istinadən xəbər verir ki, İranın "Mehr" xəbər agentliyinin yaydığı məlumata görə, Şirazın Sədra qəsəbəsində apteki qarət etməyə çalışan 35 yaşındakı şəxs 5 nəfəri "girov" götürüb.

Hadisə yerinə gələn polislər qarətçini təslim olmağına çalışıb. Xəbərdarlığa məhəl qoymayan şəxs girovları öldürməklə təhdid edib və polislərə atəş açıb.

Qarətçi zərərsizləşdirilib və girovlar xilas edilib.