Kobaxidze: “Lelo” partiyası məsuliyyətdən qaçmağa çalışır – ÖZƏL

Olaylar.az xəbər verir ki, Gürcüstanın Baş naziri İrakli Kobaxidze müxalif "Lelo" partiyasının dialoq təklifinə sərt cavab verib. O bildirib ki, bu cür təşəbbüslər partiyanın barəsində gözlənilən konstitusiya iddiasından və hüquqi proseslərdən xilas olmaq cəhdidir.

Baş nazir "Milli Hərəkat", "Lelo" və digər müxalif qüvvələri bir mərkəzdən idarə olunan "xarici agentura" adlandırıb.

Kobaxidze qeyd edib ki, dialoqdan əvvəl Konstitusiya Məhkəməsinin bu partiyaların fəaliyyəti ilə bağlı verəcəyi qərarı gözləmək lazımdır.

Baş nazir digər müxalif siyasətçilərin (məsələn, Bokeriyanın) bəyanatlarını "mənasız səs-küy" adlandıraraq, Gürcüstanda hər kəsin danışmaq azadlığı olduğunu, lakin bu çıxışların heç bir uğur qazanmadığını vurğulayıb.