ABŞ Qəzzanı 112 milyard dollarlıq dəbdəbəli kurorta çevirmək istəyir

ABŞ Prezidenti Donald Tramp administrasiyası Qəzza sektoru üçün son dərəcə iddialı plan hazırlayıb. 

Olaylar.az xəbər verir ki, "Wall Street Journal" (WSJ) nəşrinin yazdığına görə, "Günəşin doğuşu" adlanan layihə bölgənin iki onillik ərzində tamamilə yenidən qurulmasını nəzərdə tutur və 112 milyard dollar dəyərində qiymətləndirilir.

Nəşrin məlumatına əsasən, layihənin əsas ideyası Trampın kürəkəni Cared Kuşner və ABŞ-ın xüsusi nümayəndəsi Stiv Uitkoff tərəfindən irəli sürülüb. Plan Qəzzanın yüksək texnologiyalı, lüks kurort-meqapolisə çevrilməsini hədəfləyir.

Layihəyə aşağıdakılar daxildir:

ərazilərin tam mina təmizlənməsi,

müasir nəqliyyat qovşaqlarının yaradılması,

yeni şəhərlərin və infrastrukturun inşası.

Lakin WSJ vurğulayır ki, planla bağlı bir sıra fundamental suallar cavabsız qalır. Ən əsas qeyri-müəyyənliklər bunlardır:

- 112 milyard dollarlıq maliyyə haradan təmin olunacaq?
- Hazırda Qəzzada yaşayan fələstinlilər bu proses zamanı harada məskunlaşacaq?

Analitiklər hesab edirlər ki, layihə iqtisadi baxımdan cazibədar görünsə də, siyasi, humanitar və hüquqi aspektlər nəzərə alınmadan reallaşması son dərəcə çətindir. Qəzza ilə bağlı bu plan artıq beynəlxalq arenada ciddi müzakirələr və tənqidlər doğurmağa başlayıb. (Musavat.com)