Zelenski: “Putin Donbası ilin sonunadək ələ keçirmək istəyir” – ÖZƏL

Olaylar.az xəbər verir ki, Ukrayna prezidenti Volodimir Zelenski ABŞ-nin ABC News telekanalına müsahibəsində bildirib ki, Rusiya prezidenti Vladimir Putin ilin sonunadək Donbası tam nəzarətə götürmək planı qurur.

Zelenskinin sözlərinə görə, Putin bu barədə ABŞ-yə, Ağ Evə və  prezident Donald Trampın nümayəndəsinə - Vitkoffa danışıb və Donbası 2-3 ay ərzində, ən geci ilin sonunadək alacağını söyləyib.

Ukrayna lideri əlavə edib ki, bu plan Rusiyaya milyonlarla insanın həyatına başa gələ bilər:
"Əgər işğal illərlə davam etsə, bu, bir milyon insanın həyatı deməkdir. Amma sürətli olarsa, 2-3 milyon insanın ölümü bahasına başa gələcək".

Qeyd edək ki, Putin açıq şəkildə belə bəyanat verməyib. Lakin Bloomberg may ayında yazmışdı ki, Kreml Donetsk, Luqansk, Xerson və Zaporojye vilayətlərini tam nəzarətə götürmək ssenarisi üzərində işləyir və bu mövzu üzrə ABŞ prezidenti Donald Trampla telefon danışığı planlaşdırılır.