Medvedev: “Finlandiya Rusiya ilə müharibəyə hazırlaşır”

Rusiya Təhlükəsizlik Şurasının sədr müavini Dmitri Medvedev sərt açıqlama ilə çıxış edib. 

Olaylar.az xəbər verir ki, o, Finlandiyanın NATO-ya üzvlükdən sonra Rusiyaya qarşı konfrontasiya kursu götürdüyünü bildirib.

"Finlandiya NATO-ya daxil olduqdan sonra guya müdafiə tədbirləri adı altında Rusiya ilə müharibəyə hazırlaşır. Hətta bizə qarşı hücum üçün plasdarm yaradırlar", - deyə Medvedev vurğulayıb.

Onun sözlərinə görə, Şimali Atlantika Alyansı artıq bu prosesə tam şəkildə cəlb olunub və Finlandiyanın beş əməliyyat mühitini - qurunu, dənizi, havanı, kosmosu və kiberməkanı - intensiv şəkildə mənimsəyir.