İran üç yeni peykini 2026-cı ilə qədər orbitə çıxarmağa hazırlaşır – ÖZƏL

İran kosmik proqramında növbəti mərhələyə qədəm qoyaraq 2026-cı ilin 20 martına qədər üç peykin - "Kowsar", "Zafar" və **"Paya"**nın orbitə buraxılmasını planlaşdırır. 

Olaylar.az xəbər verir ki, bu barədə "Mehr" agentliyi məlumat yayıb.

Məlumata görə, qabaqcıl təsvir sistemləri ilə təchiz olunmuş "Kowsar" peyki kənd təsərrüfatı, şəhərsalma və ətraf mühitin monitorinqi üçün yüksək keyfiyyətli məlumatlar təqdim edəcək. "Zafar" ("Qələbə") layihəsi əsasən ucqar bölgələrdə rabitə şəbəkələrinin yaxşılaşdırılmasına yönəlib. "Paya" peyki isə hava şəraitinin izlənməsi və təbii fəlakətlərə hazırlığın gücləndirilməsinə xidmət edəcək.

Bu addım İranın peyk texnologiyalarındakı imkanlarını əhəmiyyətli dərəcədə genişləndirməyi hədəfləyir.