Finlandiya Fələstin məsələsində iki dövlət həllini dəstəkləyən deklarasiyaya qoşulub – ÖZƏL

Finlandiya Fələstin məsələsinin sülh yolu ilə həlli və iki dövlət prinsipinin həyata keçirilməsi ilə bağlı beynəlxalq deklarasiyaya qoşulub. 

Olaylar.az xəbər verir ki, bu barədə Reuters məlumat yayıb.

Deklarasiya iyul ayında BMT-də Səudiyyə Ərəbistanı və Fransanın təşkil etdiyi beynəlxalq konfransın nəticəsi olub. ABŞ və İsrail tədbiri boykot edib.

Finlandiyanın xarici işlər naziri Elina Valtonen X sosial şəbəkəsində bildirib: "Fransa və Səudiyyə Ərəbistanı tərəfindən aparılan proses son illərin ən mühüm beynəlxalq təşəbbüsüdür və iki dövlət prinsipi əsasında sülh şəraitinin yaradılmasına xidmət edir".

Deklarasiyada ilk addım kimi, Qəzzada İsrail və HƏMAS arasında iki ilə yaxın davam edən münaqişənin dayandırılması göstərilib. Səudiyyə Ərəbistanı və Fransa BMT üzv dövlətlərini deklarasiyanı dəstəkləməyə çağırıb, sənəd isə "müəyyən, vaxtla məhdud və geri qaytarılmayan addımlar"ı nəzərdə tutur.

Qeyd olunur ki, Finlandiya digər Avropa ölkələri kimi - məsələn, İspaniya və Norveç - Fələstini dövlət olaraq tanımayıb və ölkənin koalisiya hökuməti bu məsələdə bölünmüş mövqedədir.