Tramp: İsrail lobbisi əvvəlki qədər güclü deyil

ABŞ prezidenti Donald Tramp Daily Caller ilə müsahibəsində bildirib ki, İsrail lobbisi onun gördüyü bütün lobbilər arasında ən güclüsü olub və əvvəllər Konqres üzərində tam nəzarətə malik idi.

Lakin Tramp qeyd edib ki, bu gün artıq həmin güc eyni səviyyədə deyil və bu, onu bir qədər təəccübləndirib.

Musavat.com xəbər verir ki, Tramp həmçinin Qəzza müharibəsinə toxunaraq bildirib: "Onlar mütləq müharibəni bitirməlidirlər - bu, İsrailə zərər vurur, mübahisəsizdir. Ola bilsin ki, müharibədə qalib gəlirlər, amma dünyada ictimai rəy müharibəsində uduzurlar və bu, onlara ciddi zərər vurur".