Kanadalılar başa düşməyə başlayırlar: Karni iqtisadiyyatı xilas edə bilməz - ÖZƏL

Kanadalılar federal seçkilərdən dörd ay sonra anlayırlar ki, baş nazir Mark Karni ölkənin iqtisadiyyatını xilas edə biləcək siyasətçi deyil. Olaylar.az xəbər verir ki,u barədə National Post qəzeti yazır. Qəzetin fikrincə, Karni seçkilərdə qalib gəldi, əsasən ABŞ prezidenti Donald Trampın Kanadaya dair bəyanatları və ticarət tarifləri fonunda. "Getdikcə daha çox kanadalı başa düşür ki, Karni böyük siyasi xilaskar deyil, onu dəstəkləməkdə səhv etdilər. O, yalnız təcrübəsiz bir siyasətçidir və baş nazir kimi demək olar ki, heç nə yeni təklif etməyib", - deyə qəzət bildirir. National Post Abacus Data şirkətinin apardığı sorğuya istinad edir. Sorğu göstərir ki, baş nazirə inam indeksi iyunda 51% olsa da, avqustda 48%-ə düşüb. Lakin qəzetin qeyd etdiyi əsas göstərici budur: yalnız 35% kanadalı ölkənin düzgün istiqamətdə hərəkət etdiyini düşünür, 47% isə əksinə əmindir.
Qəzet həmçinin qeyd edir ki, Trampın Kanadaya təsiri artıq seçkilərdə Karniyə dəstək faktorları arasında böyük rol oynamır. Abacus Data-nın məlumatına görə, ABŞ prezidentinin Kanadaya qarşı tədbirləri artıq yalnız 38% kanadalını narahat edir, 60%-i isə həyatın bahalaşmasından daha çox əziyyət çəkir. Sorğu göstərir ki, hazırda 41% kanadalı müxalif Konservativ Partiyaya səs verərdi, Karni rəhbərliyindəki Liberallar isə yalnız 39% dəstək alırdı. Sorğu avqustun ortalarında 2 min nəfər arasında keçirilib.