İranda İsrail casus şəbəkəsi ifşa edildi: Hərbi obyektlər hədəfdə

İranın İnqilab Keşikçiləri Korpusunun  qüvvələri ölkənin şimal-şərqindəki Xorasan-Razavi vilayətində İsrailin "Mossad" kəşfiyyatına bağlı casus qrupunu zərərsizləşdirib. 

Olaylar.az xəbər verir ki, məlumatlara görə, qrup üzvləri İsrail agentlərinə ölkənin strateji və gizli hərbi obyektləri, eləcə də yüksək rütbəli hərbi şəxslər barədə məlumat ötürürdülər.

KSIQ-nin açıqlamasına görə, casuslar dövlət və hərbi rəsmilərə qarşı əməliyyatlar planlaşdırır, eləcə də Məşhəd şəhərində mühüm obyektləri məhv etməyə çalışırdılar. Əməliyyat zamanı böyük miqdarda raket buraxma qurğuları, bombalar, partlayıcı maddələr və mina-tuzak komponentləri aşkarlanıb.

Bu hadisə İranın milli təhlükəsizliyinə qarşı ciddi təhlükə kimi qiymətləndirilir və ölkədə casus şəbəkələrinin ifşa edilməsinin önəmini bir daha göstərir.