Rusiya XİN: Moskva güc tətbiqi təhdidini qəbul etmir və Karakasla həmrəydir - ÖZƏL

Rusiya Venesuela ilə həmrəy olduğunu açıqladı.

Rusiya suveren dövlətlərə qarşı güc tətbiqi təhdidini qəti şəkildə qəbul etmir və Venesuela xalqı ilə həmrəydir.

Olaylar xəbər verir ki, bu barədə ABŞ hərbi gəmilərinin Venesuela sahillərinə yerləşdirilməsi ilə bağlı Rusiya Xarici İşlər Nazirliyinin rəsmi nümayəndəsi Mariya Zaxarovanın şərhində deyilir.

"Rusiya güc tətbiqi hədəsini xarici siyasət aləti kimi suveren dövlətlərə qarşı qəti şəkildə rədd edir və Bolivarian Respublikasının xalqı və hökuməti ilə həmrəydir. Venesuela xalqı heç bir xarici təzyiq olmadan, dinc şəraitdə öz siyasi, iqtisadi və sosial yolunu sərbəst müəyyənləşdirmək hüququna malikdir", - Zaxarova vurğulayıb.

İbrahim Məmmədli