Makron və Merts yaxın həftəsonu Tramp ilə Ukrayna məsələsini müzakirə edəcəklər - ÖZƏL

Fransa prezidenti Emmanuel Makron açıqlayıb ki, o və Almaniyanın kansleri Fridrix Merts yaxın həftəsonu ABŞ lideri Donald Trampla telefon danışıqları aparacaqlar.

Olaylar xəbər verir ki, görüşlərin əsas mövzusu Ukrayna olacaq.

"Yaxın günlər Ukraynanın müzakirəsinə həsr ediləcək. Hər birimiz bu həftəsonu prezident Trampla danışacağıq", - deyə Makron Mertslə bağlı fikirlərini bölüşüb. Fransa lideri bu açıqlamanı Toulonda keçirilən Fransa və Almaniya nazirlər şurasının iclasının yekunlarına dair mətbuat konfransında səsləndirib.