Rusiya: Ermənistan üzərindən tranzit üçün ekstraterritorial rejim təklif olunmayıb

Rusiya Xarici İşlər Nazirliyinin sözçüsü Mariya Zaxarova Azərbaycanın kommunikasiya layihələri kontekstində Ermənistan üzərindən yüklərin və sərnişinlərin tranziti üçün ekstraterritorial rejim təklif edilməsi barədə iddiaları rədd edib.

Musavat.com xəbər verir ki,  onun sözlərinə görə, Rusiya və Ermənistanın ümumi Avrasiya İqtisadi İttifaqı (Aİİ) məkanında yer alması nəzərə alınarsa, belə bir rejim hətta nəzəri baxımdan da müzakirə mövzusu ola bilməz.

Zaxarova qeyd edib ki, Moskva regionda kommunikasiyaların açılmasını dəstəkləyir, lakin bunun bütün tərəflərin hüquqlarına və beynəlxalq razılaşmalara uyğun şəkildə həyata keçirilməsini vacib sayır.