NATO hər ay 18 min ton hərbi yükü Polşa üzərindən Ukraynaya göndərir - ÖZƏL
17:03 DünyaNATO-nun Ukraynaya dəstək və təlim missiyası hər ay təxminən 18 min ton hərbi yükü Polşa üzərindən Ukraynaya çatdırır. Olaylar.az xəbər verir ki, bu barədə missiyanın komandir müavini, Almaniya Bundesverinin general-mayoru Mayk Keller Ukrayna mətbuatına müsahibəsində bildirib.
Onun sözlərinə görə, əsas logistik mərkəz Polşada yerləşir və yüklərin daşınması əsasən avtomobil, eləcə də dəmir yolu və hava nəqliyyatı vasitəsilə həyata keçirilir.
General əlavə edib ki, Rumıniyada da bir nəqliyyat mərkəzi mövcuddur, lakin o, hələ ki, NATO missiyasının hərbi yüklərinin daşınmasında istifadə edilmir. Keller vurğulayıb ki, mart ayından indiyədək NATO Polşa üzərindən Ukraynaya təxminən 60 min ton hərbi yük göndərib. Onun sözlərinə görə, 2022-ci ildən bəri həm Qərb, həm də sovet istehsalı silahların əksəriyyəti artıq Ukraynaya təhvil verilib.