Ermənistanla ABŞ arasında imzalanan müqavilələrin müddəti AÇIQLANDI

Ermənistanla ABŞ arasında avqustun 8-də Vaşinqtonda imzalanmış strateji tərəfdaşlıq sənədlərinin müddəti məlum olub.

Olaylar.az xəbər verir ki, Ermənistan hökumətinin dərc etdiyi sənədlərə görə, üç əsas istiqamətdə, enerji təhlükəsizliyi, biotexnologiya və yarımkeçiricilər sahələrində əməkdaşlığı nəzərdə tutan anlaşma memorandumları bir il müddətinə qüvvəyə minib.

Sənədlərdə həmçinin onların üç dəfə uzadılması imkanı da əks olunub.

Müqavilələrdə göstərilir ki, tərəflərdən heç biri əməkdaşlığa xitam vermək niyyətini bildirmədiyi halda, sazişlər avtomatik olaraq uzadılacaq. Bundan başqa, İrəvan və Vaşinqton sənədlərin icrasına nəzarət edəcək məsul şəxslər təyin etmək və müntəzəm məsləhətləşmələr aparmaq barədə də razılığa gəliblər.

Xatırladaq ki, avqustun 8-də Ağ Evdə Ermənistanın baş naziri Nikol Paşinyan və ABŞ prezidenti Donald Trampın görüşü zamanı strateji əməkdaşlığa dair üç memorandum imzalayıblar.