Netanyahudan yeni Fələstin planı – Əmirlik yaradılacaq

İsrailin Baş naziri Benyamin Netanyahu bu gün Xevron şəhərinin Fələstin Administrasiyasının nəzarətindən çıxarılması məsələsini müzakirə edəcək.

Olaylar.az xəbər verir ki, bu barədə "i24NEWS" telekanalı məlumat yayıb.

Bu planı iqtisadiyyat naziri Nir Barkat irəli sürüb və o, Fələstin Administrasiyası rəhbərliyinin yerli klanlarla əvəz olunmasını, həmçinin İsraili yəhudi dövləti kimi tanıyacaq və İbrahim Sazişlərinə qoşulacaq ayrıca bir əmirliyin yaradılmasını nəzərdə tutur.

"i24NEWS"-un məlumatına görə, layihəyə həmçinin təhlükəsizlik divarı yaxınlığında 100 hektardan böyük birgə sənaye zonasının yaradılması daxildir. Burada on minlərlə fələstinli işləyə biləcək.