Kaya Kallas: “Hər bir Aİ ölkəsi Ukraynaya qoşun göndərmək qərarını özü verməlidir” - ÖZƏL

Avropa İttifaqı ölkələri Ukraynaya qoşun göndərmək məsələsində fərdi qərarlar qəbul edəcəklər. Olaylar.az xəbər verir ki, bu barədə Aİ-nin xarici siyasət rəhbəri Kaya Kallas Danimarkanın paytaxtı Kopenhagendə keçirilən Aİ xarici işlər və müdafiə nazirlərinin qeyri-rəsmi görüşündə çıxışı zamanı bildirib. Kallasın sözlərinə görə, bəzi ölkələr artıq qoşun göndərmək qərarı verib, digərləri isə hələlik buna hazır deyil: "Avropa İttifaqına üzv dövlətlər qoşun göndərmək məsələsini özləri müəyyən etməlidir. Biz artıq eşitmişik ki, bəzi ölkələr qərar verib, bəziləri isə yox. Hazırda müzakirələr aparılır", - deyə o qeyd edib. Aİ rəsmisi həmçinin vurğulayıb ki, neytral dövlətlər də bu prosesdə iştirak edə bilər.
Kallas əlavə edib ki, hazırda Avropa İttifaqının Rusiyadan hərbi kontingentin təhlükəsizliyi ilə bağlı heç bir zəmanəti yoxdur. Onun sözlərinə görə, Moskva sülh istəmir: "Rusiya sülh istəmir. Biz təzyiqi artırmalıyıq ki, Moskva Aİ ölkələrinin qoşunlarının Ukraynaya göndərilməsinə razılıq versin", - deyə Kallas bildirib.