İran Çabahar dəmir yolunu beynəlxalq koridorlara qoşur – ÖZƏL

Olaylar.az xəbər verir ki, İranın icraçı vitse-prezidenti Məhəmməd Cəfər Kaem Panah bildirib ki, hökumət Çabahar dəmir yolunun tamamlanması və ölkənin dəmir yolu şəbəkəsinə qoşulması üzərində fəal çalışır.

Onun sözlərinə görə, bu dəmir yolu tezliklə beynəlxalq nəqliyyat dəhlizlərinə inteqrasiya olunacaq. Çabaharda "Şimal-Cənub" dəhlizini ziyarət edən Kaem Panah IRNA-ya açıqlamasında layihənin strateji əhəmiyyətini vurğulayıb.

O qeyd edib ki, yolun milli dəmir yolu şəbəkəsinə qoşulması beynəlxalq dəhlizin yaradılmasına zəmin yaradacaq. Yeni marşrut vasitəsilə Çabahar limanından əsas yüklər ölkənin şimalına, oradan isə Qafqaz, Rusiya və Avropaya daşınacaq. Bu isə İranın regional və qlobal ticarətdə rolunu daha da gücləndirəcək.