Brüsseldən Kremli qəzəbləndirəcək addım: sabah…

Avropa İttifaqı (Aİ) Rusiyanın Qərbdəki dondurulmuş aktivlərini daha ​​riskli investisiyalara çevirməyi planlaşdırır.

Olaylar.az xəbər verir ki, bu barədə "Politiko" nəşri məlumat yayıb.

Bildirilib ki, məqsəd daha çox gəlir əldə etmək və bunu Ukraynaya yönəltməkdir.

"Sözügedən dondurulmuş aktivlər demək olar ki, 200 milyard avroluq bütün məbləği əhatə edir. Aİ xarici işlər nazirləri bunu avqustun 30-da müzakirə edəcəklər", - deyə qeyd olunub.

Nəşrin məlumatına görə, bəzi ölkələr də aktivlərini Ukraynaya ötürmək üçün bu sxemdən istifadə etməyə hazırlaşır.

Xatırladaq ki, Rusiya Ukraynadakı hərbi əməliyyatlara başlayandan bəri Avropa İttifaqı və G7 ölkələri, o cümlədən ABŞ Moskvanın 300 milyard dollara yaxın aktivini dondurub. Təxminən 200 milyard avro Avropada yerləşir.