İsrail Yəməndə Husilərin baş nazirini öldürüb

Avqustun 29-da İsrail Müdafiə Qüvvələrinin Yəmənin Səna şəhərinə endirdiyi hava zərbəsi nəticəsində Yəmən Husilərinin Ənsar Allah hərəkatının baş naziri Əhməd Qalib ər-Rahavi öldürülüb.

Musavat.com xəbər verir ki, məlumatı RİA-Novosti onun ailəsinə yaxın mənbəyə istinadən yayıb.

Mənbə bildirib: "İsrail qırıcıları Sənanın cənubundakı Hadda bölgəsində bir evi bombalayıb, 4 nəfər, o cümlədən hökumətin baş naziri Əhməd Qalib əl-Rahavi və onun bir neçə əməkdaşı həlak olub. Digərləri yaralanıb".

Agentliyin mənbəsinin qeyd etdiyinə görə, "Ənsar Allah" qrupu baş nazirinin ölümünü rəsmən elan etməyə hazırlaşır. Avqustun 17-də İsrail ordusunun mətbuat xidməti husilərin Səna bölgəsindəki enerji obyektinə raket zərbələri endirdiyini bildirib. İsrail tərəfi Husilərin bütün hücumlarına qarşı durmağa davam edəcəyini açıqlayıb.