Krivoy Roqda raket hücumu: Ölənlər arasında 9 uşaq var – ÖZƏL
5 Aprel 11:55 DünyaUkrayna Krivoy Roq şəhərinə Rusiya tərəfindən raket hücumu endirildiyini bildirib. Hadisə nəticəsində həlak olanların sayı 18-ə çatıb, onlardan 9-u uşaqdır.
Olaylar.az xəbər verir ki, bu barədə şəhərin Müdafiə Şurasının rəhbəri Aleksandr Vilkulun və Dnepropetrovsk vilayət administrasiyasının rəhbəri Sergey Lısakın Telegram kanallarına istinadən məlumat verilib. Bildirilir ki, 4 aprel axşamı Krivoy Roq ballistik raketlərlə vurulub.
Daha sonra şəhərə pilotsuz uçuş aparatları ilə hücumlar təşkil olunub. Bu hücumlar nəticəsində dörd fərqli nöqtədə yanğınlar qeydə alınıb.
Krivoy Roq vilayət hərbi administrasiyası bildirib ki, raket hücumu nəticəsində ümumilikdə 61 nəfər xəsarət alıb. Onlardan 12-si uşaqdır. Hazırda 40 nəfər xəstəxanada müalicə olunur, digərləri isə ambulator müşahidə altındadır.