Donald Tramp və Avropa İttifaqı arasında gərginlik artır – Rusiya senatoru – ÖZƏL

ABŞ Prezidenti Donald Tramp ilə Avropa İttifaqı (Aİ) arasında münasibətlərdə gərginlik artır. Olaylar.az xəbər verir ki, bu barədə Rusiya Federasiya Şurasının senatoru Aleksey Puşkov öz fikirlərini bölüşüb. O, Trampın Fransa Milli Birlik Partiyasının parlament fraksiyasının lideri Marinə Le Penin azad olunması ilə bağlı çağırışını şərh edərək bu münasibətlərin daha da kəskinləşdiyini vurğulayıb.

"Tramp və Aİ arasındakı düşmənçilik artır. Onun üçün sirr deyil ki, onlar (Aİ) fürsət tapan kimi onu da ABŞ-nin vitse-prezidenti Cey Di Venslə birlikdə ev dustaqlığına almaq və ya həbs etmək istəyərlər. Daha sonra bu siyahıya iş adamı İlon Mask da əlavə oluna bilər", - Puşkov Telegram kanalında yazıb.

Senatorun sözlərinə görə, ABŞ və Aİ arasındakı fikir ayrılıqları dərinləşir. O, bu ziddiyyətlərin əsas səbəbləri arasında ABŞ-nin Aİ ölkələrindən idxal olunan məhsullara tarif tətbiq etməsi, Vaşinqton və Moskva arasında aparılan danışıqlar, Avropada söz azadlığının məhdudlaşdırılması və Marin Le Penə qarşı məhkəmə təzyiqləri kimi məqamları qeyd edib.

Mövzu ilə bağlı Aİ və ABŞ-dən rəsmi açıqlama verilməyib.