Netanyahu həbs edilə biləcəyi ölkəyə getdi

İsrailin Baş naziri Benyamin Netanyahu Macarıstana rəsmi səfər edib.

Olaylar.az xəbər verir ki, bu barədə Macarıstan müdafiə naziri Kriştof Salai-Bobrovnitski məlumat verib.

"Times of Israel"in məlumatına görə, bu, Beynəlxalq Cinayət Məhkəməsinin (ICC) 2024-cü ilin noyabrında Netanyahu barəsində həbs qərarı çıxarmasından sonra onun Avropaya ilk səfəridir.

O, Macarıstanın Baş naziri Viktor Orban tərəfindən dəvət edilib.

Qeyd edək ki, BCM ötən ilin noyabrında "Qəzza zolağında hərbi cinayətlərə görə" İsrailin Baş nazirinin həbsinə dair order verib.

Macarıstanın Baş naziri Viktor Orban isə qərara etiraz edərək Netanyahunu ölkəyə dəvət etmək və BCM qərarının onun ərazisində icra olunmamasını təmin etmək niyyətində olduğunu bildirib.