Rusiya danışıqlara hazır olan kimi biz mütləq orada olacağıq - ABŞ dövlət katibi

Rusiya danışıqlara həqiqətən hazır olduğunu nümayiş etdirən kimi, biz mütləq orada olacağıq və inanıram ki, ukraynalılar da orada olacaq.

Olaylar.az xarici KİV-ə istinadən xəbər verir ki, bu barədə ABŞ dövlət katibi Antoni Blinken deyib.

Bundan başqa, ABŞ dövlət katibi NATO-nun Rusiyaya qarşı heç bir mənfi niyyətinin olmadığını qeyd edib.

"Daha əvvəl də qeyd etdiyim kimi, NATO müdafiə təşkilatıdır. Onun Rusiyaya qarşı heç vaxt mənfi niyyəti olmayıb və olmayacaq", - deyə Blinken əlavə edib.