Tuapsedə kütləvi dava edən 15 Özbəkistan vətəndaşı Rusiyadan çıxarılacaq- ÖZƏL

Olaylar.az xəbər verir ki, Krasnodar vilayətinin prokurorluğu polisin aprelin 24-də Tuapsedə baş vermiş kütləvi davanın bütün iştirakçılarını saxladığını bildirib. Saxlanılanlar Özbəkistan vətəndaşlarıdır və zorla Rusiyadan çıxarılacaqlar.

"Tuapsedə polis aprelin 24-də baş verən kütləvi davanın bütün iştirakçılarının kimliyini müəyyən edib. Yerli neft emalı zavodunda işləyən 15 əməkçi miqrant saxlanılıb",- deyə məlumat verilib.

Müstəntiqlərin fikrincə, münaqişə məişət zəminində baş verib. Araşdırmalara əsasən, 15 əcnəbinin hamısının inzibati məsuliyyətə cəlb olunması barədə qərar çıxarılıb.