Qışqıran mumiyanın sirri- ÖZƏL
Olaylar.az xəbər verir ki, misirşünaslar 1881-ci ildə Misirin Luksor şəhəri yaxınlığında aşkar edilmiş "qışqıran mumiyanın" ölüm səbəbini müəyyən ediblər. Mumiya daha 40 sarkofaqın olduğu kral məzarında aşkar edilib.
Tədqiqatçılar mumiyanın tapıldığı "qışqıran qadın" pozasının təsadüfi olmadığı qənaətinə gəliblər. Misirşünas Zahi Hawass da daxil olmaqla elm adamları qadının infarktdan öldüyünü müəyyən ediblər. Bu nəticə kompüter tomoqrafiyasından istifadə etməklə aparılan tədqiqatlar əsasında qəbul edilib.
Araşdırmalara görə, qədim misirli qadın tac damarlarının ağır aterosklerozu nəticəsində yaranan infarktdan dünyasını dəyişib. Elm adamları onun cəsədinin öldüyü vəziyyətdə balyalanmış olduğunu fərz edirlər.
Qadının meyiti ayaqları əyilmiş və çarpazlaşdırılmış, başı sağa dönmüş, çənəsi boş vəziyyətdə aşkar edilib. Bundan əlavə, alimlər cəsədin cəmi bir neçə saat sonra tapıldığını müəyyən edə biliblər.