ABŞ-ın zərbələrindən sonra Qırmızı dənizdə husilərin hücumlarının sayı iki dəfə artıb – ÖZƏL

Olaylar.az xəbər verir ki, Yəmən və Ərəbistan yarımadası üzrə ixtisaslaşmış britaniyalı jurnalist İona Kreyq Yəməndəki münaqişə ilə bağlı çıxışı zamanı bildirib ki, husi üsyançıları ABŞ və Böyük Britaniyanın bombardmanlarından sonra Qırmızı dəniz və Ədən körfəzindəki ticarət gəmilərinə iki dəfə tez-tez hücum edir.
Londonda çıxış edən Kreyq qeyd edib ki, 12 yanvarda ABŞ-Britaniya birgə bombardmanlarından sonra husi hücumları daha tez-tez baş verib. Bu bombardmanlardan sonra husilər müxtəlif gəmilərə qarşı 21 hücum təşkil etdiyi halda, bundan əvvəlki eyni dövrdə 15 belə hücum həyata keçirib ki, bu da 40% artım deməkdir. ABŞ və Böyük Britaniya hərəkətlərinin Husilərin imkanlarını azaldığını iddia etsə də, son üç illik hesabat dövründə üsyançılar 44 hücum həyata keçiriblər ki, bu da bombardmanlardan əvvəl baş verənlərlə müqayisədə 100%-dən çox artım deməkdir.
Jurnalistin fikrincə, Qərbin hərəkətlərinin Qırmızı dənizdə sabitliyi bərpa edəcəyi fikri iflasa uğrayıb. O, ABŞ-ın 200-dən çox hava hücumu həyata keçirdiyini, lakin bu hücumların əks effekt verdiyini vurğulayaraq, gəmilərini Qırmızı dənizdən göndərməkdən yayınan şirkətlərin sayının da artdığını vurğulayıb.