Şimali Koreya nümayəndə heyəti Dünya Gənclər Festivalı üçün Rusiyaya yola düşüb - ÖZƏL

Şimali Koreya Sosialist Vətənpərvər Gənclər Liqasının Mərkəzi Komitəsinin sədri Mun Çolun başçılıq etdiyi nümayəndə heyəti Ümumdünya Gənclər Festivalında iştirak etmək üçün Rusiyaya gedib.

Olaylar.az xəbər verir ki, bunu Rusiyanın Pxenyandakı səfirliyi bildirib.
Rusiya səfiri Aleksandr Matseqora nümayəndə heyətini fevralın 26-da Şimali Koreya paytaxtının beynəlxalq hava limanında müşayiət edib. Səfər zamanı tərəflər iki ölkənin gənclər təşkilatları arasında əlaqələrin genişləndirilməsi üçün danışıqlar aparmağı planlaşdırır. Rusiya Prezidenti Vladimir Putinin beynəlxalq gənclər əməkdaşlığının inkişafı haqqında fərmanına əsasən, 2024-cü il martın 1-dən 7-dək Sirius federal ərazisində Ümumdünya Gənclər Festivalı keçiriləcək.
Bundan əlavə, səfirlikdən bildirilib ki, "25 aprel" qadın voleybol klubunun gənclərdən ibarət komandası Primorsk vilayətinin qubernatoru Oleq Kozhemyakonun dəvəti ilə fevralın 26-da Pxenyandan Vladivostoka yola düşüb. İdmançılar Rusiya komandaları ilə bir sıra yoldaşlıq görüşləri və birgə təlim-məşq toplanışı keçirəcəklər.