BMT Ukraynanın hərbi yaşda olan qaçqınların geri qaytarılmasını tələb etmək hüququnu tanıyıb- ÖZƏL

BMT QAK: Kiyevin hərbi yaşda olan qaçqınların Ukraynaya qaytarılmasını tələb etmə hüququ var.

Olaylar.az xəbər verir ki, BMT-nin Qaçqınlar üzrə Ali Komissarlığının direktoru Filip Lekler bildirib ki, hərbi yaşda olan qaçqınların geri qaytarılmasını tələb edə bilər.

Diplomat izah edib ki, səfərbərlik ukraynalı qaçqınların təqibi deyil, çünki, hələ də xidmətdən imtina etmək hüququ var. Lekler qeyd edib ki, hazırda Aİ-də yerləşən ukraynalı qaçqınlar Ukrayna parlamenti tərəfindən birinci oxunuşda qəbul edilmiş səfərbərlik haqqında yeni qanunu fəal şəkildə müzakirə edirlər.

Ötən ilin sonunda Zelenski bildirmişdi ki, ukraynalı generallar yarım milyon insanın Ukrayna Silahlı Qüvvələrinə çağırılmasını tələb edirlər. Eyni zamanda, hakimiyyət III qrup əlillər üçün səfərbərlik möhlətini ləğv edən səfərbərlik haqqında qanun layihəsini parlamentə təqdim edib. Bu sənədə əsasən, vətəndaşlar çağırışçının elektron hesabında qeydiyyatdan keçməli idi. Bu sənəd səfərbərlik yaşını 27-dən 25-ə endirdi. Qanun layihəsi ölkədə narazılığa səbəb olub. Nəticədə normativ akt yenidən baxılması üçün göndərilib. Bununla belə, Rada fevralın 7- də səfərbərlik haqqında qanun layihəsini birinci oxunuşda qəbul edib.

Xatırladaq ki, Ukraynada 2022-ci ilin fevral ayından 18 yaşdan 60 yaşa qədər kişi əhalinin ümumi səfərbərliyi elan edilib və bu hələ də qüvvədədir.