Rusiya bu il 40-dan çox kosmosa buraxılış olacaq - ÖZƏL

Rusiyanın Dövlət Kosmik Korporasiyası Roskosmos bu il 40-dan çox kosmosa buraxılış həyata keçirməyə hazırlaşır və onların gecikmələrinin qarşısını almaq üçün səy göstərir.

Olaylar.az xəbər verir ki, bunu Roskosmosun rəhbəri Yuri Borisov bildirib.
"40-dan çox kosmik buraxılış olacaqa. Bununla belə, planlar həmişə plan olaraq qalır. Keçən il biz də çoxlu sayda buraxılış planlaşdırmışdıq. Amma təəssüf ki, bəzi obyektiv şəraitə görə buraxılış proqramını tam şəkildə həyata keçirə bilmədik", - o, deyib.
Borisov vurğulayıb ki, Roskosmos öz müəssisələrinin müştərək işləməsini təmin etmək üçün keçən il səylər göstərib və bu il də səylərini davam etdirir.
"Bu, gecikmələri istisna etmək üçün edilir. Bu il üçün əsas vəzifə bütün buraxılış proqramını yerinə yetirməkdir", - Roskosmos rəhbəri bildirib.
2023-cü ildə Roskosmos Rusiya kosmik raketlərinin 19 buraxılışını, o cümlədən Soyuz-2 daşıyıcı raketlərinin 17-si və Proton-M daşıyıcılarının iki buraxılışı həyata keçirib.