Gürcüstan və Rusiya arasında ticarət dövriyyəsi azalıb - ÖZƏL

Olaylar.az xəbər verir ki, Gürcüstanın Milli Statistika Xidmətinin məlumatına görə, 2024-cü ilin yanvarında Rusiya ilə Gürcüstan arasında ticarət dövriyyəsi illik müqayisədə 28% azalaraq 190 milyon dollara çatıb.
Rusiya Cənubi Qafqaz ölkəsinin əsas ticarət tərəfdaşları arasında ikinci yeri tutur. Gürcüstanın xarici ticarət həcminin 14,2%-ni təşkil edib. Gürcüstanın Rusiyaya mal ixracı 2024-cü ilin yanvarında 52,6% azalaraq 41 milyard dollardan çox olub. İdxal 15,6% azalaraq 148 mln. dollardan çox olub.
Türkiyə Gürcüstanın ticarət tərəfdaşları arasında birinci yerdədir, ikitərəfli ticarətin həcmi illik müqayisədə 16,2% artaraq 233 milyon dollar təşkil edir. Çin 96 milyon dollardan yuxarı ticarət dövriyyəsi ilə üçüncü yerdədir (illik 0,9% azalma).
Gürcüstanın xarici ticarət dövriyyəsi 14,8% azalaraq 1,3 milyard dollardan çox olub. İxrac 26,2% azalaraq 338,6 mln. İdxal 10,1% itirərək 1 milyard dollardan çox gəlir əldə edib.