Rusiya və Salvador ikitərəfli əlaqələrin bütün spektrini genişləndirməyə hazırdırlar - ÖZƏL

Olaylar.az xəbər verir ki, Rusiya xarici işlər nazirinin müavini Sergey Ryabkov və El Salvador xarici işlər nazirinin müavini Adriana Mira nazirliklərarası siyasi videokonfransda məsləhətləşmələrdə ölkələr arasında əlaqələrin bütün spektrini genişləndirməyə hazır olduqlarını bildiriblər.
"Siyasi, ticarət-iqtisadi, mədəni-humanitar sahələrdə ikitərəfli əməkdaşlığın vəziyyəti nəzərdən keçirildi və əlaqələrimizin bütün spektrini genişləndirməyə hazır olduğumuz təsdiqləndi", - Rusiya Xarici İşlər Nazirliyi fevralın 15-də keçirilən məsləhətləşmələrin yekunlarını qeyd edib.
Rusiya Xarici İşlər Nazirliyi əlavə edib ki, tərəflər həmçinin çoxtərəfli platformalarda iki ölkə arasında dialoqun və qarşılıqlı fəaliyyətin gücləndirilməsi, Rusiya ilə Latın Amerikası regionu dövlətləri, Latın Amerikası və Karib hövzəsi ölkələrinin inteqrasiya birlikləri arasında əməkdaşlığın qurulması məsələlərini ətraflı müzakirə ediblər.