NATO: Ukraynanın ABŞ yardım paketinə ehtiyacı var- ÖZƏL

NATO-nun baş katibi Yens Stoltenberq müdafiə nazirlərinin görüşünün yekununda verdiyi açıqlamada ABŞ-ın Ukraynaya yeni hərbi yardım paketi ilə bağlı səsvermənin keçirilməməsinin artıq döyüş meydanına təsir etdiyi barədə xəbərdarlıq edib.

Olaylar.az xəbər verir ki, NATO-nun baş katibi Yens Stoltenberq ABŞ Senatının bu yaxınlarda qəbul etdiyi, lakin Konqresdə dayandırılan 60 milyard dollarlıq yardım paketinin sonunda təsdiqlənəcəyinə inandığını bildirib.

"Birləşmiş Ştatların indiyədək qərar qəbul etməməsi artıq öz nəticələrini verib. Bu, dəstək axınına təsir edir. Bu, müəyyən dərəcədə digər müttəfiqlərin dəstəyinin artması ilə kompensasiya edilə bilər", - deyə baş katib jurnalistlərə açıqlamasında bildirib.